我係唔鐘意出街既，因為細細個比人係街嘲笑，結果變到無信心+內向
我從來都唔知自已諗緊咩，有時會無啦啦笑同喊，總之變到好怪
有時同學問我意見個陣，我會堅持自已既意見，人地既意見我完全極力反對，非常既倔強
比賽輸左比朋友，我個內心係諗「自已先係實至名歸，佢地根本無資格贏」，當然，我無咁同過任何一個人講
我份人好容易嫉妒人，人地比我靚呀，比我聰明都會嫉妒，之後就會無啦啦咁嬲左人地
我之前都無過無動力唔想郁既感覺，係直到依家讀到中二開始變到呆呆地，完全脫哂力去做每一件事
我個人生活係完全無哂目標，唔係，應該係由此到終我咩目標定左都無達成
慵慵懶懶咁過左人生十幾年都唔知自已鐘意咩，莫講話朋友問我將來夢想，我連自已鐘意咩色都唔知
係依家讀中二啦，開始每日既朝早都變得好憔悴，就算前一晚幾早訓都好，都係無精神咁，結果搞到自已個樣病病地咁
我無動力會令到自已唔想返學，我已經用左好多藉口去呃阿爸阿媽我病之後請假唔返學，最後連學習方面都跟唔上
記憶力又大不如前，數學方面又差左好多，係完完全全無力去計數
咁樣既生活真係好難受
我有諗過死，不過好驚，一諗起好多曾經鐘意既野，我就卻步喇
返左幾年教會，我都無咩特別體會，就算係我呢種性格、想法都無變過
我有見過社工，只係我完全講唔出自已心裡面既真正心聲
父母都知我唔怠，但係就無諗過嚴重到要去見醫生
我係以為就咁放置唔理會好返既，但係事實係會惡化，可惜我唔敢同父母講
唉，都唔知我會唔會變左隱青既...
求救呀，有無人幫到我
更新1:
每當我對住一大班人演講呀表演呀，我唔會怯場，反而比較有信心
更新2:
如果唔係阿爸係屋企，我可能好容易就唔返學，其實只係有阿爸係道我先可以勉強咁過活 我講既野係千篇一律，好多人都唔想聽我講野咁，於是我就索性唔講野 每朝起身好辛苦撐到返學，後來返到去又好憂鬱，上堂無心機之餘又好容易訓著 已前好鐘意既野依家都無咩興趣去掂，其實係咩都唔想做，唔想理，只係想咩都唔洗理就好喇
更新3:
我成日都好無心情，又無力，又攰又眼訓，留心唔到
更新4:
有時覺得好笑既都會笑，好正常，仲有時會同同學傾得幾開心 但大部份時間都好無動力
