有咩辦法可以克制頭重? 唔該哂!

點解最近依兩年我好多時瞓醒覺, 都覺得個頭好重. 以前都唔係咁ge!?

本來如果唔係最近要溫習考試, 都唔會咁care(因為只係頭重重的, 冇頭痛同冇其他身體上的不適); 不過因為依排功課勁忙同要準備考試, 頭重ge問題就變得極具干擾性...非常騷擾我學習ge進度...

我發現, 有時候瞓得少仲好啲. 一瞓得夠或者瞓得多少少, 起身之後個頭就會勁重. 有時瞓得多仲會有頭痛ge徵狀, 要食止痛藥止痛. 而頭重同頭痛一般都會持續數小時至一整天的時間.

我估計, 問題有可能係我長期瞓得少以致腦部不習慣多小時的睡眠所引致. 雖然很多身邊ge同學朋友都冇同樣ge情況出現, 但係依個係我唯一推測到的最合理解釋. 我想, 一係就係個腦唔習慣我睡眠時間不固定, 一係就係已經慣咗我成日少瞓, 所以一旦我瞓多啲, 佢就唔習慣掛~ 不過, 因為我"瞓得夠"同"瞓得多"先會有依多問題出現, 所以我估計係後者居多. (我"瞓得少"嗰陣淨係覺得好眼瞓{飲咖啡就搞掂依個問題~}, 唔會有任何何頭痛同頭重ge問題出現.)

我想問, 有冇咩辦法可以快速咁阻止頭重ge問題? 因為頭痛可以食止痛藥, 頭重我就唔知點做好!? 因為功課實在太繁忙, 請不要說什麼培養適當睡眠時間的提議; (因為實在係冇時間咁做, 而且今個學期係我最後一個學期; 12月底我就會修讀完畢.) 請問有冇咩可以暫時克制頭重ge方法呢?

唔該哂呀!! 各位~