BB食奶問題令我好擔心~~希望有經驗既媽媽幫到我!!!

你既問題我岩岩解決左冇幾耐。如果佢唔係因為病既，多數都係呢兩個原因

1) 奶咀既孔有分大細，多數初生會用最細既孔，滿左月之後既一兩個月就可以開大小小，或者換下一階段既奶咀

2) 你扭得個蓋太實！BB啜奶既時候係會啜埋樽入面既空氣既，若果你扭得太實，佢啜晒入面既空氣之後，樽入面就會變左真空，咁佢就會越黎越難啜。尤其是當佢肚餓果時，開頭會啜得好快，D奶都去得好快，但慢慢佢要用大力去啜先啜得小小就會開始有D扭計。果時候佢已經冇乜餓意或者飽左半肚，加上扭左計會眼訓，咁就會未飲晒D奶既時候就訓覺。所以係扭個蓋既時候，注意唔好扭咁實，岩岩好扭埋唔漏奶就得架喇

若果你既奶咀係有換氣孔既，咁就有可能係第一個原因。試下將其中一個奶咀既孔開大小小同埋唔好扭咁實，若果佢可以正常咁飲番晒D奶既，咁就係呢D問題喇

另外，每個BB飲奶既時間同份量都唔一樣，有D BB大食D，有D細食D。不過你BB飲奶既份量都唔算小，但係又唔知你BB既SIZE，真係好難判斷

你想佢4個鐘先飲一次，可以係佢正常飲番奶之後，將奶既份量慢慢加多，咁佢食飽D，自然就冇咁快再食啦。另外亦可以係每餐之間比水佢飲，特別係下一餐奶之前既一個鐘，果段時間雖然未有肚餓感覺，但就唔會飽到飲唔落水，呢個時候比20-30ML水佢飲，一來可以頂住一陣再飲奶，二來亦可以比佢習慣飲水，唔使第日唔肯飲水

加油呀！

bb仲咁細,唔使比水佢飲,就算飲都係1日1,2次幾啖得架喇!跟本唔使餐餐奶之後比bb飲水~我個女依家9個月大,都唔使飲咁多-.-
1.BB兩個半月其實應該食幾多奶?
2.每日食6餐足夠嗎?

其實bb奶量無話幾多至標準,個個人都唔同食量架啦~
只要bb一直跟住生長線生長就得架喇~
至於你話連尿都小埋?小到點呀?1日有無濕7塊片?

3.會唔會同奶咀有關?

應該唔關,除非你餵人奶

4.我試過小食多餐,但成績唔太理想,反而阻左佢瞓覺,咁仲有咩方法?因為佢係會因為食得小而早左肚餓,但早小小餵佢佢又係食番咁多,好似佢"朗"到個胃唔覺餓就算咁!

可以等佢訓果陣餵奶,姐係抱住佢餵,bb訓左都會識食奶,好多媽咪都用呢個方法~
我自己都試過~幾work架~

5.同埋我可以幾時同佢轉4個鐘頭一餐?三個月大可以嗎?佢而家3.5鐘一餐一日6餐,但如果轉4個鐘就會每日食5餐。但佢而家都已經越食越小,我仲同唔同佢轉4個鐘,原因係佢最尾個餐11:45PM係好難整醒佢食同埋佢都唔係好食,所以我應該點好?

我個女到依家都係3個中一餐奶~(除左夜晚)

我個bb同你個bb差不多大,佢飲奶次數而家都係６餐到,
但佢每次分量都唔同ga,有時80-90ml,有時140ml,其實bb每3-4小時１次,
如果佢2個多小時就醒你可以比少少水佢飲,同佢玩下,
如果佢訓得耐一醒可比奶,其實每個b都唔同,健康就可以,
健康院姑娘話如果bb的體重有正常發展就ok,
即係你同佢去健康院傍重每次都有增加就可以,無須擔心,
我個ｂ每次食量都係唔同,好彩佢既體重都有增加,仲好好,好標準.

2009-12-10 00:59:43 補充：
bb有時好訓可以訓到5-6時,咁可以由佢訓,訓醒先飲奶,
佢或者可以飲得多d.
有無比開奶茶佢飲??冇就試下比半包加落d奶到比佢飲,
我都有比我個bb飲.

你俾得太多佢食啦兩個幾月食太多啦佢個胃好細架咋佢未消化之後又飲水飲完水又食奶唔得架你再遲一兩個鐘先俾佢食啦我個仔果陣咁大個先係食三四安奶咋

係現在你的BB約２～３個月大，飲奶份量不多，次數算多的情況下，
BB有無瘦弱？睡覺好唔好？（這兩樣都無問題）
就是你太緊張，要放鬆自己，才能好好地照顧BB.

BB足左月就可以由３小時改為４小時飲１次奶．
飲多少份量？合理的６安奶粉，加入水約７安奶．
還要留意BB肚子有無漲，有否肚風，亦令BB不想飲奶．
奶咀孔有否太細，令BB飲奶飲得太累．

其實每日，BB約幾點起身，統計下，就知第１餐要幾時飲．
記住BB要睡夠才飲得暢服，亦都會好帶d.

希望幫倒你！
笑多D! BB會開心d!

如果你將全日的奶量+起來，她的食量係無咩多到，因為頭幾個月bb的生長速度係好快，第一個月已經可以重咗40%，之後係一路減慢落去，只不過係初出生時，佢個胃細，要少食多餐，大d就會疏d食但量多d，但總數係差不多，甚至會少咗dd！
食奶粉要定時要飲水！

BB有機會係唔舒服而食少咗，留意下有無發燒或打完針唔舒服！

以妳一開始,我就發覺有D錯,妳也冇講BB出生,那個月內食人奶或奶粉,如果食奶粉的話,應該係四小時一次,在食奶同奶之間,要飲水,即係食完奶後,二小時飲一次水,水後二小時就係飲奶既時間喇,妳應該照個奶粉罐教妳,BB幾大就食幾多安奶,妳現在BB食既時候,係有D錯,同時間短,中間既時候又冇飲水,妳叫佢點食得多呢..........

2009-12-08 00:28:55 補充：
BB飲奶,唔係妳想幾點,就幾點嫁,妳現在開始調教佢既時間啦..早上6:00,飲奶.8:00飲水.10:00飲奶.12:00飲水.2:00飲奶.4:00飲水.6:00飲奶.8:00飲水.到最後一餐奶10:00.咁樣佢就到天光至飲奶喇...妳都冇比水佢飲,妳叫佢有幾多尿痾呀...