(重酬20分)求考消防員面試的心得

回答問題 1： 面試當日會有一個助理區長(三粒)做主考官，一個高級隊長(二粒一)做副手，一個文職副手，呢個局面叫三司會審。

有時會多一個文職副手，佢唔會出任何問題問投考人，佢身份可能係ICAC調查主任，佢職責係睇投考嘅人如問非所答又面試合格，佢地就暗地裡調查是否有人收受利益而得到份工，呢個局面叫四司會審。

衣着問題： 衣着要整齊，最好西裝打呔皮鞋、短髮、剃鬚及剪指甲。

短髮係你投考緊紀律部門，你都比面試官睇吓你像唔像樣做個消防員。

衣着整齊，對答禮儀一般面試都要，紀律部門更加注重，不要花巧。

發問問題：圍繞時事、政府架構、消防處架構及一些反應問題，這些要做功課，例如：消防處有幾多個總區、救護總區有什麼新嘅服務、消防行動組有什麼新嘅服務、消防處正副處長係邊個？如連正副處長都唔識，即是你未來老細係邊個都唔知，你做主考官你請唔請佢？

回應問題：識幾多盡答，唔識就答唔識，唔好老作，現時係請消防員唔係請sale。

希望幫到你！