佢無預知我係屋企.. 初時佢買左油條同白粥, 諗住佢同阿媽食,
之後見到我, 好似好誠意咁叫我一切食丫.. 我好快答回(唔食喇), 佢即刻自言自語話: 咁巴閉呀, 叫你食都唔食..(我當時有點莫名奇妙, 但覺得回答不吃好平常, 沒為意)
之後問候一句我搬出去住成點呀?(我一言難盡, 無講到乜野)
佢就話: 係咁架喇, 搬出去乜都要自己動手做, 無人幫到你, 乜都要自己照顧自己, 唔自己做邊個幫你做呀,(開始鬧喇-->) 咪以為有人....(我都無答過乜野, 佢自己已經狂鬧一堆)
之後佢開電視睇東亞, 我隨口講一句:你睇呢O的節目架咩?
佢就話: 得閒咪睇囉, 唔等閒點睇者, 唔通唔返工唔做野對住部電視機? (又開始鬧->)你估好似你咁,.....日對夜對電視...(其實我都無對電視機, 佢係咁鬧)
轉個頭又鬧單野: 巴巴閉閉咁, 買埋野比你食都唔食, 嚴三嚴四, 咁叻掉返轉頭買野比我地食丫..(下刪百字鬧到品格低劣), 之後我忍唔住講左(我只係話唔食, 我無嚴三嚴四), 佢就停一停無出聲.
之後係咁無理取鬧, 我就走左了, 同阿媽第二日通電, 佢話我當晚走左之後, 阿爸話我鬧幾句就走人, 鬧下都唔捱得...又話我唔買下野比佢地食...(下刪數十字)...
但係我極有預感相信:假若我買野比佢地食, 阿爸應該是愛理不理, 例如話:放埋一邊丫, 一係又鬧, 買埋O的無謂野, 唔等洗....(下刪百字).
我記得以前有次拍賣好低價買左部30元的相機比佢, 佢係條走朗大聲講: 30蚊, 我不如買半隻雞好過...(唔要咪最多拎返走囉, 係咁鬧到好刻薄咁..係走朗大聲講O的鄰居都聽到晒)
－－－－－
我估唔到佢親切的問我一句(你又食O的丫), 我只係答三個字(唔知喇), 下半部原來唔食野都要比人鬧到品格低下, 嚴三嚴四, 巴巴閉, 自以為了不起...我只係講一句: 唔食喇, 就比阿爸主觀覺得我係咁既低下質素既人.
我好唔開心原來我阿爸眼中係咁樣睇我個人品. 佢鬧我其它事實既野我OK, 但係佢係數臭我好似重低劣過所謂港女, 但係同埋佢狂鬧我係無得解釋或否應, (佢會鬧: 得把口講野多多..... ), 同埋如果我直覺無錯, 佢咁樣主觀斷定我呢種人品狂鬧, 佢應該都有咁上下程度憎恨我架喇....
更新1:
我唔知道佢係因放工純粹心情差, 大發男人脾氣(只為發洩)/ 或是佢有點妄想症. 疑心重, 成日以為人地迫佢做O的唔願意既野, 所以我未講野佢已經成騙故事作左出來鬧定我一大堆先./還是佢好憎我所以一切都是我錯呢?? 大家點睇? 我可以點做呢? 我最唔開心就係好失望佢眼中咁樣睇我人品.
更新2:
回第一位: 我還有阿哥但已婚搬出. 你係駁唔到佢架, 佢已經假設你係咁差而鬧...佢鬧既永遠是對的(因為佢已經當左你係咁樣). 我已經無期望溝通, 只求鬧少幾句..
