心唔舒服,可能係吃醋..求解/舒緩方法,希望有經驗既幫下我

我讀大學, 班上識左一個女仔, 因為成日MSN和text, 好快就變左好好朋友. 但係其實可能好早我就知道自己對佢有興趣.

當佢講佢周圍既男仔果陣, 我都盡量用朋友既角度去幫佢. 但係最近佢猶豫緊同唔同一個男仔做男朋友, 我知道佢對個男仔有一定意思. 所以係佢地sms緊, 對方問緊佢feeling既時候, 我仲係鼓勵佢去. 果晚之後我訓唔著, 我可能知道自己真係唔想錯過佢, 亦都知道如果佢同第二個拍拖, 我未必仲可以以朋友既角度去聽佢講佢地既野, 而且可能會好辛苦... 第二日我問佢咁你係唔係真係諗住拍拖, 佢都話唔肯定... 但係之後我用sms問類似問題, 然後借機會同佢講左"如果我話你知我鐘意左你呢?"

佢冇即時答我, 之後亦都未去到完全疏離既地步. 我只可以講我地暫時仲做得到朋友, 但係重點係如下:

之後第二日我去上堂, 平時會有pair work, 佢都會坐我前面同我做. 但係可能我發現左自己既感覺, 當佢坐係我前面, 同班上另一個男仔傾計或者做類似既野, 而且係睇落有d close既時候, 我就覺得好唔舒服, 可以講係真係好辛苦, 心痛... (雖然我地仲有MSN之類, 但係我為左保持朋友關係, 冇直接講過俾佢聽) 我知道我唔可以係班上表現到好明顯咁, 我唔想因為令佢尷尬, 破壞我同佢既關係

所以我個問題係, 有咩方法可以幫到我唔好咁辛苦? (例如, 當佢地咁做既時候我自己應該點做, 又或者事後我自己又可以做d咩令到自己唔咁辛苦, 或者其他) 只係果日一次, 我已經好辛苦, 真係好辛苦... 我只係知道我同佢一齊開心, 但係我唔覺得佢會睇得上我到做我女朋友, 我清楚呢一點(或者佢曾經有對我表示過, 或許我已經錯過左), 但係至少我仲係想做朋友. 我好享受聽佢講自己每一日既事, 陪伴佢

*如果有關於其他野既建議, 我都好歡迎同感激