廚櫃檯 - 云石 VS 仿石

經本人翻新的廚櫃都唔少.最常見的都是星盆漏水引至木櫃霉爛,
所以早在十年開始,經自己做的廚櫃,巳唔會木板做星盆灶床櫃,
無論是雲石面或人造石,都採用鋼筋英坭沙先做枱面底料,再鋪面石.
下面全部用磁磚,包括櫃腳的石屎台.
只用3寸木榔做龍門架裝防火膠板門.
外表看同木櫃無分別. 實用同耐用,櫃入面用水沖都得
吊櫃還是採用夾板防火膠板門.
至于枱面用雲石還是人造石好?
在外觀來講,當然是人造石美觀,如要用佢,最好選用進口石.(好似美國石.)不過好貴,要8--9百蚊一直尺.但一分錢一分貨,
你話用2--3百蚊一直尺果D大陸石,2--3年貨仔巳經好殘.
如用雲石,必須選用麻石,因比雲石密度高,堅硬耐用,仲要用深色果D,(好似黑金沙)因唔會滲油,
如用淺色或雲石.滲咗油入去,一邊深一邊淺,好難睇.

建議吊櫃選用防火膠板夾板做櫃彀,德利板做櫃門,
星盆灶床櫃用鋼筋水坭沙落底.面料用麻石,不銹鋼星盆.德利板做櫃門,美觀實用,非常耐用

云石與仿石在性質在是兩種不同物料，雲石是天然材料，色澤與花紋每件大板都不同，如需較高要求，必需親自挑選大板。云石種類繁多，可到砵蘭街D雲石鋪望吓，睇啱可向鋪頭攞小樣板（不收費），價錢按石種不同有不同收費，訂石收費計算多多，例：上門度尺費、工費、車邊費、運輸費、石料呎吋太長又收附加費及可能因你要求之面積呎吋與大料板呎吋唔就，要計你損耗費等。
仿石等同再造石，利用石材碎料，再加膠粉等物料再造而成。但廚柜檯面絕不適宜用雲石，基於硬度不足，而且雲石表面較容易受染污，雲石較常用在洗手間，如洗手盤枱面。仿石是現在較普遍使用之材料，優點較雲石多，硬度足，不易染污，就算受染污亦可打磨，細漬可用百潔布加萬潔靈，較頑固污漬可用幼水砂紙磨走，自己都造到，接駁位打磨后變成無縫，比較衛生及易清潔，有爆裂亦可打磨及執補，唔駛重新換，（不過要請人造）貴價既牌字有保養及維修，而且價錢及色澤花紋選擇多。另外，不銹鋼及強化玻璃（再在底部上顏色）現在亦開始多人選擇造廚柜檯面。效果都唔差，當然要配合廚拒門板及牆身地台配搭，先出到效果。
你講既水泥造，應該係指枱面石既底部基層物料嗎？依家應該冇人成組嘢用水泥及磚砌起，再面頭及內籠鋪瓦，呢種造法90年代中後期已經絕跡，依家只有係酒家餐廳D廚房有机會咁造，好處係用水喉清洗都唔怕腐爛。不過要清乾淨D『瓦仔拿』都幾大劑。係家居多數係鋅盤位及你用嚟切野斬野果D位先加水泥底，好處係夠硬淨及冇咁易腐爛，木材始終忌水。如預算許可，可成個拒身用不銹鋼造，柜門用鋁合金焗漆面造，擔保耐用。

雲石款式好簡單,唔似得仿石甘靚
不過雲石就耐用d,仿石就要小心處理
雲石貴過仿石


而家好少用水泥做廚櫃ga la, 一般都係用木板,唔貴之餘又好睇,第時唔中意或者舊左想換都好easy...

希望幫到你......

設計家室內設計工程公司

66878835