香港酒店有ｄ咩好介紹
回答 (2)
2009-12-04 11:21 pm
✔ 最佳答案
但你想比較 D 乜野? 入住? 環境? 位置?? anyway, 如心就最新. D 房冇另外兩暗咁大. 但新嘛.... 感覺良好. 佢 cafe D buffet 都唔太貴. 樓下過條天橋就有大型商場.
嘉湖就.....如果你同男/女朋友去住. 可玩煮飯仔 ka. 因佢地房內有煮食爐頭及器皿的. 樓下有大百佳. 可買野上去煮 ka. 唔夠碗碟仲可再問酒店攞. 因佢地預左你可煮野食的. 但唔係用媒氣, 係用電爐頭.
3間之中, 最衰係黃金海岸啦. 又舊....D 服務又差.
2009-12-09 9:15 am
我係旅遊顧問, 相信你都係想同至愛去渡過一個溫馨既晚上, 講真, 如心 唔係幾好, 只係房租平, 無咩浪漫氣氛. 黃金海岸酒店,就一定要住向海既, 黃昏時同愛侶在房間看日落, 晚餐後同你既情人手拖手漫步沙灘, 雖然現在天氣凍, 唔可以游水, 但係可以坐在沙灘堆沙, 聽下海浪聲, 望下個月光, 你話幾好呢, 嘉湖海逸酒店, 只係得個遠字, 除非你真係想玩煮飯仔啦, 不過如果你想玩煮飯仔, 我就建議你不如租離島既渡假屋仲好,又大, 又可以燒野食.如果唔係, 想平d就不如選擇如心, 想浪漫d就選擇黃金海岸酒店啦.
收錄日期: 2021-04-13 16:58:00
原文連結 [永久失效]:
https://hk.answers.yahoo.com/question/index?qid=20091204000051KK00562