東亞運煙花匯演攝影地點

✔ 最佳答案

山頂
最好焦段 :24-85mm
等候時間 : 5~6pm 到達都還有位
山頂位通常最受風的影響, 咁多年經驗, 一般每年影煙花時, 一係無風吹唔散煙, 一係有風吹向山頂, 即係死梗! 但山頂位亦有好處, 獅子亭, 凌霄閣一般都唔係好角度, 山谷之勢影出來2邊有黑位, 仲好多人迫, 必要早霸, 而盧吉道則係最開揚位影, 路窄, 但勝在夠長, 排極都有位你玩, 同埋比較多師傅選擇果度, 因為一來唔駛等太耐, 二來唔會太多閒人搞住晒, 來到睇多數都係旅客

寶馬山
最好焦段 : 35mm ~105mm
等候時間 : 3pm 已有人在等候
呢個位, 真係話佢好又得, 唔好又得, 首先, 地方極小, 放腳位皆是大石, 容易人阻人, 唯一好位係只容得3個人影相的標高柱位, 其他則比佢低, 低位景觀測不多, 但小樹檔下方前景, 而且必須早霸, 每年3pm 時必定見有人在此等候, 實行死等~ 但唔好以為有時間就得, 因為該處無明路上山, 熟路者都必須先經寶馬山站最後煤氣站位走上金篤馳馬徑 ,憑熟識的地形穿過小路隱沒的樹林, 多少要攀下石頭, 走10~15mins才可以到達, 而且該處除無路外, 亦是山林, 沒有路燈, 金篤馳馬徑亦不是舒適郊遊徑, 上山的話必須帶定電筒, 否則下山很難, 而且分叉路多, 一不小心便入左不明樹林, 十分麻煩, 所以初學者, 無人帶路者, 絕不建議前往. 還有, 景觀的確開揚, 整個維港之勢盡入眼底,但無奈放煙花位在海中心與觀賞角度成一直線, 拍出來有多少會疊著, 且位高, 只適合影大景, 煙花則感覺較細小, 如選擇zoom 近來拍攝, 亦會裁走維港2岸建築, 構圖不討好, 所以, 寶馬山位查實不算煙花拍攝的好位. 最後提提, 附近完全沒有補給地點, 洗手間欠奉.....實在係等候拍攝的大考驗

尖沙咀海旁星光大道
最好焦段, 18~50mm
等候時間 : 每年越來越早, 上年大約12已佈滿腳架
尖咀海傍......... 隨著越來越多人加入數碼拍攝行列, 影煙花的人亦有增無減, 記得3年前仲可以4點先去霸位, 但前年已變到2pm 去到已難有好位, 上年更甚係12點已佈滿腳架, 多人之程度可怕得很, 星光大道每年影煙花之海邊位, 皆有警方鐵馬欄開一個距離, 令到人群不會走到最邊做成危險, 此欄開的地方亦是警方做野, 救傷的緊急通道, 有心的話請早點去霸位, 但不要以為早霸有著數, 因為隨時霸的位置會被警方突然叫開, 因為一定距離的鐵馬位必會間中開個出入口俾警方出入, 到時你又要重新搵位. 搵到非出入口的地方亦不是一件好事, 在此提提若果霸位, 請在霸多些自己後方的空間, 皆因每到6~7時, 人已滿, 黃昏前警隊, 救世軍等等都全面出動, 佢地會將所有鐵馬向人群移入5呎或更多, 不要少看呢5呎, 你除了要再移後腳架, 更有機會發現原本無敵海景上方多了一支大街燈, 一條上空打橫的電線同燈飾, 出來構圖十分不雅, 唯一方法就係zoom 番遠少少

銅鑼灣避風塘
最好焦段, 12~50mm
等候時間 : 前2年都比較少人知道, 可以差不多7點才到, 但近來越來越多人懂得前往, 所以請自己留意
呢個位可說是近年新熱點, 是位於海隊上面的警察會對出避風塘堤壩,要在世貿中心對出的避風塘位坐小船出入, 船程好短, 但通常收費都會5~10元, 睇你會不會講價, 果度拍攝角度新穎, 而且一條橫堤, 上下2層位, 剛好所有人不會遮擋, 有規有舉, 影友無少有爭位的情況. 但要留意近警察會, 遊艇會的人士會到時到候出到堤上觀賞, 要有心理準備應付o的鬼仔~ 果度另一注意就係比較大風, 腳架要穩, 自己著多件衫, 帶埋電筒(因為無燈), 而果度最好就係因為近, 角度關係通常都唔會將煙花的煙吹來, 所以可以選係不錯的地方~

回答 (3)