BB訓覺問題, 訓訓下喊!?

BB夜晚訓訓下喊，有機會係嚇親。BB朝早受到驚嚇，例如係突然既車聲，當時BB聽到唔會喊，所以你未必知道。另外若果bb日頭時間玩得西利或者喊得西利，都一樣會係夜晚訓訓下喊既

以上呢兩個情況，基本上你唔需要做d咩野，過一排佢就會冇事。若果你bb有四個月以上既，可以比佢食保嬰丹，有效定驚

另外，若果bb有唔舒服，例如係肚仔痛、喉嚨痛或者鼻塞，都有機會半夜喊既。你可以睇多兩日，如果兩日後佢已經冇事，可以一覺訓天光，咁就唔係病啦，若果真係病既話，咁到時就會開始有病徵出現，呢d情況就要睇醫生喇

2009-12-15 11:15:10 補充：
若果佢真係有風而肚痛喊既，你可以滴兩滴生油 (煮送果d) 係你心掌心到，捽慶佢，之後即刻直接谷係bb既肚上面，隻手凍左又再捽過，大約四至五次就夠架喇。可以每日臨訓前做，d熱力係可以幫助bb驅走肚仔風既，咁bb會訓得好d

佢係咪急小便呀? 我個仔都會急醒喊架