✔ 最佳答案
你問人點解要工作?
首先你所講的"工作"定義係點先?
如果你所講"工作"就係返工的話,咁返工壓力真正好大,要完成工作的任務,又要接受上司或客戶的無理要求,咁辛苦為乜呢?
唔使講係人都知道為了賺錢啦,我問你生活在呢個城市是否少d錢都唔掂呢?
可能你暫時仍然有父母養,不知世界艱難,你知道唔知一個家庭屋租,伙食,交通,衣物,用品,醫藥等等,如果唔工作點有金錢收入去應付各樣的開銷呢?
可能你會講,如果有錢是否就不必工作呢?點解好多富豪有錢仍然要工作?
要知道人不是只求食飽睡足就會開心滿足,當基本生活安定時,每個人都一定希望達成自己的理想和自己的人生目標,這時候的工作目的就不是只求兩餐安穩咁簡單了!
企業家工作是為了擴展自己的事業,藝術家工作是為了完成自己的作品,政治家工作是為了發揮自己的理念,不論他們的工作是有收入抑或要付出,只要達成自己的理想目標,他們都會從中得到滿足!
因為人是有思想的動物,如果要你每天吃飽無所事事的話,可能你會更加煩惱無聊呢?
2009-12-04 10:07:20 補充:
你有無看到有些已經退休的老人家,本來唔憂兩餐可以食飽就睡,但佢地仍然有興趣出來做義工,無收入還要貼身交通費,點解呢?
佢地就係希望仍然可以有能力之時可以為社會服務,呢d就係佢地工作的目標啦!
就算你生活無憂,如果無人生目標,又完全唔工作,難道日日食飽飯等死咁無聊咩?