文靜唔鍾意出聲GE女仔係咪悶蛋

同道中人。

本身我比較內向怕事，之後慢慢改變，但對其他人來說我都是太靜，平時都唔多想出聲。

現在我身邊都坐左一個男同學，但因為我同佢接觸及喜愛的都不同，我又唔知講咩好，所以都係好安靜，時時都見佢好悶咁既樣。我自己都有點唔好意思，但係無奈既係，這情況沒辦法改變。

每人性格都不同，有的比較活潑好動又善於交際聊天，而有的就好像我們那樣，性格是天生的，有時改變也改變不了多少。再說上課不一定學到社交技巧。

其實太安靜，那一些人認為你無聊不好玩，很快就會離開你。至於唔鐘意又算不上，只是會避之則吉，因為遇上也說不了甚麼，不過我難以保證不會有人討厭你我這種人，只可以說要是遇上也只好接受，畢竟我們就是這樣的性格，要是每件事都要理會,介意，自己絕對會煩死。

我也認識到一班女性朋友(同校同學)，我性格本身係安靜，自己又唔多鐘意出聲，但係同佢地一齊，我盡量令自己投入，佢地瘋，我跟佢地瘋(當然我們的瘋是沒有搞到別人)。

雖然現在我看「朋友」兩字是比較淡化，順其自然，盡量都不會強迫自己做自己不願意做的事情(不過有時陪笑在所難免,笑完都感覺特別累)，但是有朋友的話，我也會盡量投入。萬一因我的性格與她們不合，而做不成朋友，也順其自然，這事是勉強不來的，真正的朋友不是用金錢就可以買到的，一定要自己去努力,付出真心。

我同你岩岩相反
我覺得最重要係你自己同你身邊班人想點先
如果你想講野，你身邊班人唔理人都無用
你最好有共同話題，最好唔好關於功課啦
如果你鐘意玩既就自自然然同人地fd
或者你可以買d糖返黎
請下d同學食,吹下水
你可以整自己識整既野，問下佢地好唔好食呀
或者你可以問下打機d野
有活動同佢地玩下啤牌
都好快會熟

其實你都唔萛太悶呀,你只係性格內向,時刻怕自己講錯野而唔敢出聲而已!
只要你大膽d,心中想到乜就講乜就ok啦,一般朋友都係傾d日常閒話,唔需要俾自己咁大壓力就唔會咁緊張啦!
有時唔知講乜就笑笑口,其實咁反應好正常,你咁做得唔錯喎,人地唔會感覺你悶呀,如果未想到求其答兩句都好過無反應喎,等自己想到有更好話題先再出聲就得啦,點解要後悔呢?
我認為你主要係對自己太緊張,成日怕自己講錯野,又怕自己講得唔好,越緊張越唔敢講,其實只要大膽d,放鬆d就無問題!
只要你心中對自己講,大家不過係傾談閒聊,又唔係登台演講比賽,講得好唔好又點,使死咩?
可能初初唔習慣講乜野,但只要你放膽開聲,總之大膽d同人有講有笑,慢慢就一定可以唔覺得尷尬的了!
還有,唔好成日認為自己係乏味悶蛋,唔好收埋自己唔啋人,只要習慣多d同人傾講,你一定可以成為受朋友歡迎的人物!

我同你一樣，不過我唔會再想識朋友。
自己本身係鐘意哲學，物理……對其他人黎講有點乏味。
你講人地又聽唔明，不如唔好講；
我又唔鐘意講是非，因為太多都係無中生有，
因而我個人變得孤僻，不喜歡群體生活。
朋友真係唔會體諒你，只有你自己明白。
因此，我冇刻意遷就人，而位屈自己，
有時候要改變自己，而迎合他人，係好辛苦。

我以前都好似你講跇咁，不過我覺得你只要努力去令自己表達自己感受想講咩就得!!就算講出令人唔鍾意你都好，你都叫做表達自己感受，當然要理人感受啦。不過自己應該為自己驕傲!!!!我到依家都學習中，支持你，而且我想相信始終需要不同種類的人，加油!!!!