其實而家PLA有咩weakpoint?

樓上nomore兄講既野真係幾有趣，佢認為大陸長遠要加強戰略力量，呢個睇法無錯，但問題係大陸係戰略武器方面仲可以改進啲乜﹖大陸有天下間最完善既戰略導彈兵力，精確度幾高，又有MIRV及多種不同彈頭，中子彈、雲爆彈，甚至傳聞有埋EMP彈頭。依家大陸連可以打幾千公里遠既巡航導彈都有，聽聞精度達十米級，反艦飛得快過音速兩倍，射程亦係全球之冠，有咁既實力，仲想改啲乜﹖

如果解放軍有炮兵兄講得咁機械代就好啦。中國陸軍有個大問題比較少人講，講起黎都真係幾失禮，中國陸軍規模過百萬，但炮兵部隊出奇地弱，主力自走炮口徑竟然只有122毫米！雖然近年中國終於跟上世界潮流出左05型155毫米自走炮，衛士型火箭炮亦係世界頂尖，但呢兩種武器太少，好難相信中國陸軍炮兵可以有1916年英軍於索穆河會戰開打前嗰種驚天重地既炮兵規模。

中國陸航無錯係缺乏直昇機，不過我覺得武直唔係真係咁重要。天下間只有美國陸航可以隨心所欲用阿帕奇，因為美國空軍可以永遠提供絕對空優，咁點打都得啦。不過中國空軍應該唔係提供到咁好既優勢，所以中國陸軍對專門既武直唔係咁熱衷。中國缺既係重型運輸直昇機，呢樣野令中國陸軍無辦法搞到好似美國101師呢類可以全師用直昇機機動空中騎兵部隊。雖然15及16軍有不錯既空降能力，但係人都知佢地唔可以全軍一次過用空運投入作戰，呢樣野絕對影響戰力。

中國另一個問題係戰略及戰術轟炸能力不足，尤其係戰術密接支援能力。有傳聞話中國正研究緊戰略轟炸機，當然呢樣絕對係正野，但就唔係當務之急，因為中國既戰略導彈部隊實在已經好厲害，可以頂住先，戰略轟炸機係要研究，不過可以慢慢來。但正如nomore兄所講，中國既戰術轟炸能力不強，雖然飛豹解決左部份問題，但佢既載彈量及產量都不足，需要大幅加強。

中國仲有一個大難題就係海軍遠洋作戰能力不足。近來中國海軍係印度洋護航做得不錯，但始終都只限於用大艦同靈活敵人週旋既下風面，如果中國有航母及多幾艘大型兩棲登陸艦，咁就可以真正做到將中國既海陸空兵力都投射到海外，無論同敵國打仗或打海盜都會有效好多。好消息係中國已有真正既遠洋大型登陸艦“崑崙山”級下水，如果多做幾隻，咁中國將可以係遠洋有一個移動城堡，到時好多野都可以解決。更重要係連大型航母都將會建造，未來中國將會有一支真正可以係遠洋作戰既藍水海軍。

2009-12-10 17:35:48 補充：
平心而論，以中國既國力，點建立龐大既水下核潛部隊﹖雖然我覺得中國有必要加強水下核力量，但當然無可能發展到美國咁既規模，因為中國根本無力負擔。

這裏可以幫到你
http://yahootwi.web31.eyweb.cn/yahoo.com.hk/hk/auction/178987536

樓主唔好睇得解放軍空軍同海軍咁廢...
解放軍空軍雖然仲裝備緊殲七,轟六等舊式戰機
但近年中國一直努力發展航空科技
研製出殲十戰機都已經證明左中國有能力建造一支有巨大影響力既空軍
雖然話中國想要研製出如美國F-22,F-35等既第五代戰鬥機仲未有機會
但中國航空科技係咁短時間內就有咁大進步
佢既發展速度甚至比當年美國仲要快(雖然話有俄羅斯提供技術,但中國近年已經慢慢自行發展)
而海軍,中國都有一定數量既海面作戰艦艇,潛艇部隊更係亞洲內數一數二
國內亦不斷傳出中國正積極發展航艦艦隊(雖然我認為短期內中國都係會注重潛艇部隊方面)
可見中國海軍唔可以睇小

至於缺/弱點...
解放軍仲係發展當中
過早評論都無謂
但我都有D建議:
1)就如樓主所講,欠缺足夠既直昇機部隊支援地面部隊,無論係運輸或者攻擊用途
2)空軍對地面部隊支援亦不足,真正有能力進行密接支援既戰機就只有殲轟7同強-5,但國內精準打擊武器發展仍未成熟,攻擊機大多數只會使用傳統炸彈進行轟炸,可以話地面部隊完全冇完善既空中支援

總括黎講解放軍需要既只有時間

解放軍最需要解決依加大部份軍備都太老舊既問題,再慢慢發展高科技空軍,直昇機部隊等,最後先加強發展戰略力量,例如航艦艦隊,戰略導彈,兩棲攻擊部隊,轟炸機隊等。

2009-12-10 19:02:50 補充：
首先多謝steventtw兄既回答
我自己都學左唔少野

但對於steventtw兄話中國既戰略導彈部隊已經無需改進我有少少唔同意
中國既戰略導彈部隊都係依靠從本土發射既彈道導彈
相比起美國既艦射,轟炸機發射既巡航導彈,係空中既時間長,而且發射地點多為固定,比較容易被攔截
我認為中國未來應該繼續改善戰略導彈技術,例如艦射,潛射式既巡航導彈,轟炸機所攜帶既導彈又係
而且我唔係幾信大陸所發佈既測試結果,有冇誇大成份睇黎都係進行實戰先知,雖然冇人會想打仗@@
我對戰略導彈研究唔多,有錯請插