倉鼠眼發炎

腫之前有冇D咩異常?
眼腫既話可能係眼發炎,但都有可能係腫瘤or瘡,呢D自己處理唔到,都係需要睇醫生處理,鼠醫生資料及睇醫生要留意既事可參考:

http://hk.knowledge.yahoo.com/question?qid=7009031901757
同時要留意多D預防皮膚病既事,方法可參考:
http://hk.knowledge.yahoo.com/question?qid=7009083001889


A.眼發炎多數係因為環境污糟or整傷左隻眼引致既.因為鼠鼠既眼睛係凸出唻,所以好易會有呢個病,腫完又腫就要特別留意會唔會係衛生有問題
如果鼠鼠開唔到眼or有塵(有塵污糟,整住眼就會令眼腫起唻),可以幫鼠鼠抹眼
用藥用棉花,加少少微暖既水,抹下鼠鼠隻眼,如果係開唔到眼,就可以用極微既力去試下打開鼠鼠既眼(冇信心控制力度就唔好試),如果係有塵既話,應該可以打得開
就算開得返眼or抹返走d塵,都要小心,保持環境衛生,而且都最好去睇醫生處理,已有發炎既情況


同時建議你做既野如下:
1)多數係因為環境污糟or整傷左隻眼引致既.檢查下環境有冇d咩物品會整到佢
2)木糠會唔會太碎太尖呢?(較平既木糠一般都係會較碎)
3)如果有第隻鼠一齊住既話,就要分籠,因為好易係因為打傷而做成既,加上有多隻鼠既話會增加細菌感染or乘虛打傷既機會
4)如果佢係開唔到眼,將水,食物放近佢,如果佢都係唔識去食既話,要餵佢食野,睇下食唔食
5)鼠鼠眼睛咁樣,應該會對外界更加驚,所以冇必要都俾鼠鼠靜下,保持安靜
6)保持個籠乾爽清潔,減少細菌感染既機會
7)擔心鼠鼠唔舒服會覺凍,如果鼠鼠有身凍既問題,就唔好俾風直接吹到鼠鼠,要鼠鼠保持溫暖,凍天要留意既事可參考以下我回答既知識:


http://hk.knowledge.yahoo.com/question?qid=7008110901044


8)眼疾好難自己去醫,所以最好就帶鼠鼠去睇醫生啦,市面上我都見過都有d眼藥水既,但係咪真係適合用就好難講,始終就咁講唔可能100%肯定係咩問題.所以最好係去睇獸醫





B.腫瘤or瘡都要盡快睇醫生先得,雖然好多時初期鼠鼠較少會好累好病咁,但唔好以為咁就冇事,因為鼠鼠壽命短,新陳化謝快,d病毒都會忽然行得好快,所以病既初時已經應該去睇醫生,到嚴重既時候先去處理,就好難救得好了

鼠店冇野可以買唻幫鼠鼠搽,亦唔建議去問鼠店,因為好多時鼠店冇合用既藥就會胡亂叫你買其他藥,腫瘤就可能會叫你買皮膚病藥,冇幫助外亦會延醫,鼠店始終係做生意既地方,記得唔好盡信
瘡既話,最好在爆之前就處理好,唔係既話,爆左就好麻煩,好難好返.,腫瘤既話應該會照下,再做手術整走佢
放膿or整腫瘤都要落麻醉藥(放膿要睇位置同情況),如果鼠鼠年紀大,咁就要考慮清楚先好決定,老左既鼠好難承受到麻醉藥既,做手術既話,一般都係$700-1500左右,視情況而定


睇醫生同時可以住以下既事:
1)有第隻鼠既話要分籠,患病既鼠被第隻鼠乘虛打死(鼠鼠本身係獨居動物,其實咩情況都係一籠一鼠較好),加上多一隻鼠易令生病既鼠多一分受細菌感染既機會,而且佢地好可能已打交
2)保持環境乾爽清潔,避免有更多細菌再令鼠鼠受感染
3)檢查籠入面有冇野整親鼠鼠,瘡既話係有外傷再受細菌感染而做成
4)留意鼠鼠會唔會凍

5)俾一d有營養既野佢食.可以試下俾d麥片or白麵包佢
6)鼠鼠唔舒服會更易受驚,受驚會令病情惡化,除左檢查及治療外,都唔好打擾鼠鼠
7)如果鼠鼠唔食野唔飲水,就用手直接餵,都係唔食既話,就要俾d耐性試多d,鼠鼠唔舒服,又會好累咁,係冇咩胃口既

2009-12-04 21:49:18 補充：
可用生理鹽水代替之前講既微暖水幫鼠鼠洗眼,但咁只係抹走d塵,並冇治療作用