男友成日鬧我..??

妳男朋友對妳的尊重與疼愛， 何嘗不是“求其”~

縱使不溺寵， 也要疼啊 ！！
漠不關心、 堆砌歪理， 是那門子的男友 ？

妳是港女的說話， 他也不遑多讓。 為了令妳言聽計從， 對他唯唯諾諾， 不惜讓妳在責罵聲、 風涼話中度日 …

是否受友儕影響， 或歷時半年的同居生活已了無情趣； 還是身為哥哥， 威嚴不容有失， 抑或大男人思想 + 小男人心態混為一體在作祟 ？ 不得而知 ~

只知妳受控後， 他不會疼愛有加。 因屆時的妳， 新鮮感沒了、 稜角亦沒了 … 他只好另覓改造對象， 直至棋逢敵手或遇上剋星

倘若妳享受這種日子、 這種男友， 大可不必理會對或錯， 只管忍氣吞聲走下去， 直到緣盡一刻

否則， 是時候剖白妳的不滿， 平心靜氣討論大家的關係 …

談不攏、 受不了， 就拉倒 ！
甭不捨， 那是妳的幸福來哩 ~


圖片參考：http://i210.photobucket.com/albums/bb218/commentsjunkie/jsdl/bestwishes.gif

計我話,妳呢個所謂男朋友都唔係男人嚟，成日鬧人似足個八婆！

打爛杯平常不過，唔通佢由細到大未打破過東西？

玻璃碎屑要清理盡不容易，佢咁叻又唔做？

淨係識批評，佢好乞人憎啫！

仲居然話妳港女，唔通佢喜歡國產貨？

佢仲侮辱埋所有香港女生，佢都好冇品喎！

妳嗰句：聽完佢講嘅話，成個人勁開心？？？

妳係咪打漏咗一個字 "唔" 呀？

佢話妳唔可以寵，一寵就會過份？藉口吧！

佢根本自私又自大，其實係自卑！

妳唔疾番佢：你有寵過我咩？幫下少少忙就算係寵嗎？

佢係不知所謂！

嗱，妳唔駛理朋友認為男人要點對女朋友先叫啱定唔啱，

妳只要先問妳自己，咁樣相處有冇問題？

妳覺得佢對妳嘅態度妳可唔可以忍受？又忍得幾耐先？

住埋半年已經成日無理取鬧，生活上不會幫忙，還要找藉口！

佢又唔會憐香惜玉，又唔會哄妳開心！

佢有乜嘢優點？妳鍾意佢乜嘢？

兩人繼續咁樣相處仲有冇癮先？妳要好好考慮！

同佢可有彎轉？不可能成世就晒佢，佢都應考慮妳嘅感受！

有冇可能坐低面對面大家好好去傾一下？

如果唔得，咁就長痛不如短痛，趁早飛咗佢啦！

叫佢唔好阻住妳搵過個會錫妳、珍惜妳嘅男人了！

妳就叫佢返大陸搵件國貨，香港女仔不適合佢，佢只配搵國產！

一句講晒.男人要面.大男人主意者

2009-12-06 02:12:55 補充：
還未結婚自己想想要唔要得過.
不過從事件中.佢以把打掃交由你做.又是你打破的手尾工作也當做妥.如有疏怱是你做得不好.這是一個工作同感惰和愛不要聯想起來.他少了的是說講直接不顧人感受.個個都是下屬.

你有無睇過我的野蠻女友, 個女仔都係成日鬧或整鬼個男仔, 但其實佢地都好愛對方既, 你既case係調轉之嘛, 男朋友成日鬧你其實都係對你好, 只不過佢唔識用其他方法, 我相信佢本意都係好, 唔係做咩同你一齊住, 否則見多你一面都嫌費事啦, 我唔係話佢o岩晒, 始終鬧人都唔係咁文明, 搵個機會同佢講你真係唔鍾意佢用咁既方式同你溝通之類, 講出黎大家攤開傾會舒服d嘛!

分手啦....
總有一個係唔鬧你同錫你既.

如果你唔捨得拒, o甘無計啦, 硬食吧啦.

我都認同其他網友覺得妳的男朋友不尊重妳, 而且不愛惜妳, 為了自己的感受理性地離開此人.

我覺得你男朋友唔愛你.
因為你自己同佢拍拖咁快就同居. 男人睇唔起你. 同埋覺得你好冇所謂.
兩個人拍拖. 唔一定要一起居住. 如果佢愛你. 就算兩人分開生活. 都可以維繫.

你走啦. 搬走啦.
呢固男人睇死你唔會離開佢. 根本關咩港女事,
一d風度都沒有! 而家教女咩. 下下鬧~

你男朋友對你只係有性冇愛~ 你搬左入去. 佢冇乜所謂.
好老實講兩人住埋一起. 一定有做咩啦.
男人就是這樣的.
女人同任何男人拍拖. 都不要咁快同居. 睇清楚一個人先.
唔係話同居係試婚階段. 根本係錯.
你兩咩短時間. 根本都未睇清楚一個人
如果佢係緊你. 就唔會咁樣對你.

.

你男朋友感對你就一定錯啦...
我提議你同你男朋友唔arm key就同你男朋友say bye-bye啦~

雖然我未能完全清楚你男友是怎樣的人，但我曾經睇過一段片，情況有點相似。
一個真人真事，個男既係地茂廚神 - 周主豐，佢曾經係一個為了自己的慾望，不擇手段的人，佢真情剖白佢如何令佢老婆完全依賴佢，以致能全權控制住佢：
1. 經常鬧老婆(甚至打人)，令佢無晒做人既尊嚴
(故事有點長，已經係節錄，其實花數分鐘都可看完，但方便你skip，所以下面部份要highlight先睇到)
2. 不讓老婆接觸朋友，孤立佢
3. 不讓老婆工作，以致收入完全依賴丈夫
這是大男人，極端男權主義的做法，周主豐以此來讓自己找尋歡無後顧之憂。
後來周太上了教會，有教友的支持，又信耶穌。更後來有了工作，時機成熟，又有了信心和勇氣，便知道周生其實沒甚麼可怕，向周生提出離婚。
結果如何？馬上跳去結局吧，周生後來都悔改，跟周太一同信耶穌，維持了家庭，連子女都對他改觀，更拍了見證影片，所以我才知道原來男人可以咁絕，但也看到神的大能。

你的男友，係咪有完全控制你的意思，我不知道，但如果婚前這樣，婚後也會這樣。
首先，佢連自己家都不負責，假如佢覺得做家務是老婆本份，咁所有家務無論多難，甚至容易整傷筋骨，都只會要你做晒。
其二，就係令你無尊嚴，事實上係咪你一定要比人鬧先聽得明？唔係架嘛！佢咁做，無論有意無意，都會令你以為你係無出路，只能痛苦地順住佢意思走。

所以，你首先要同你果位朋友保持關係，佢係支持你的，而且比網上的知識友更清楚你，我們微弱又模糊的建議始終有限。
其次，你一定要了解你男友到底是甚麼人，他其實沒甚麼可怕的，只是若認為他自己會改變，則別妄想了，一個人若不對自己過人生觀有「切」底衝擊，是不會改變的。當然你若不介意這樣的男人，也沒說過你有必要與他分手。
最後，希望你能堅強，你其實並不弱小，你有能力又有權做你喜歡的事，拒絕你不喜歡的事。

我覺得你好有問題, 係人拍拖都希望被人錫, 好開心, 但你男朋友咁對你, 你重可以忍受, 重係到問男朋友咁對你係對定錯, 你唔覺得佢唔關心你, 唔錫你咩? 可能你同佢一齊住, 日對夜對, 已經好似老夫老妻咁, 係生活上都無新鮮感, 日日如事, 我認為你最好搬出, 如果佢都仲唔緊張你, 咁咪搵過第二個囉, 唔洗係到受氣, 柴九話: 人生有幾多個十年, 好好諗下啦!