✔ 最佳答案
因為感冒都係病毒引起(所以係冇感冒「菌」依樣野)
而病毒引起既各種疾病
好多時都係以感冒症狀為首
全身攰周身骨痛流鼻水發燒依d都係
所以就算唔係真係「感冒菌」作怪
好多時依d症狀都會令人誤以為自己真係「感冒菌」既問題
但係事實上未必係咁
同樣道理「感冒菌」可以引起其他問題
比如係「感冒菌入腸」既腸胃炎
「感冒菌入心」既心肌炎或心膜發炎
「感冒菌上腦」既腦膜炎等等
依d係俗語
事實上真係響醫學診斷上面
係腸胃炎就腸胃炎係感冒就感冒
感冒唔係菌自然唔係菌作怪
不過除左病毒之外
的確有D「感冒菌入X」係由細菌引起既
包括係本來就細菌感染但係表現到好似感冒咁既症狀
同埋因為本來真係病毒感冒
但係打理得唔好併發細菌感染引起依D症狀
因為雞先定蛋先既關係好難定論
要解釋起黎都咁長篇
唔好話我地人手唔夠睇症睇到連廁所都冇得去
就算我地真係肯講咁多野
D病人都會叫我地收皮比佢地早D番去瞓覺好過
所以總括黎講你可以視為醫生對於某d病對病人既簡單解釋