急请求本人是否構成刑事罪

1. 基本上佢並無明言筆錢係還債之用, 所以佢話筆錢入錯戶口, 就只好當係入錯戶口. 你唔可以假設係還債之用. 佢通知你入錯戶口要求退還, 但係你拒絕, 咁你已經犯咗盗竊罪, 係刑事罪行.
根據香港法例第210章<盜竊罪條例>第 2(1)及9條:
如任何人不誠實地挪佔屬於另一人的財產, 意圖永久地剝奪該另一人的財產 , 即屬犯盜竊罪. 任何人犯盜竊罪, 循公訴程序定罪後, 可處監禁10年.
你知道佢入錯戶口(不論真定假)而拒絕退還, 就中咗此例中 "不誠實" 及 "意圖永久地剝奪他的財產".
2. 正如樓上alex兄所言, 間公司尚在運作時, 你係有權調動公司資金. 但在公司清盤後收到嘅資金, 係要經法庭判定屬誰. 你無權私自調動.
3/4. 盜竊罪
a. 如被定罪, 刑罰要視乎筆錢銀碼, 有無還錢, 係經審訊被定罪還是自己認罪, 有無求情因素等. 你俾得咁少資料, 答唔到你.
b. 你可經律師進行, 言明只是一場誤會, 如佢接受, 可以解決事情. 但你自己千萬唔可以親自或揾第三者去接觸佢.
c. 不用亦不可. 你可將錢交由律師保管, 到佢同意係一場誤會, 唔再追究, 就由律師歸還. 當中會有涉及法律文件 (Deed of Release), 以保障你.

2009-12-02 23:03:56 補充：
嘩! 你偷咗成7億元 (7OOOO萬元) ??!!?? 唔係嘩?! 打靶硬啦…
講笑咋…你所謂7OOOO萬元係指七萬元, 係嗎?!
1. 如果當事人唔接受你律師介入, 咁你就洗定個八月十五啦. 七萬蚊盜竊罪, 極大機會要坐. 有 d case 偷一部手提電話都判 9 個月啦 (HKSAR v LEE YIP KEI [TWCC2943/07]). 但我相信, 你肯還, 佢告你做乜? 佢都係想要番 d 錢啫! 其實個人意見, 好大機會係佢轉錢入你 a/c時本來係想還錢, 但之後從其他途徑得知你間公司摺咗, 咪轉軚唔還囉! 於是就話轉錯入你公司a/c.
可惜, 你吹佢唔漲…

2009-12-02 23:04:02 補充：
2. 大約萬零兩萬蚊. 最主要係做份 Deed of Release 啫. 再平 d 都有, 睇你請乜律印. email 我啦…
3. 如 (2) 說, 你將錢存入律師樓, 律師做份 Deed of Release (即係不論民 / 刑事都互不追究), 叫佢嚟簽. 簽咗後就俾番果$70,000佢. 如果佢唔消案, 差人揾你, 你就扔份 DOR 出嚟, 証明係一場誤會. 非常簡單!

1.盜竊係刑事罪行。
2.舊公司係邊類型公司，用邊種方式結業，如係清盤執行董事或東主都無得動公司資金。
3. 唔佑你想問乜。
4.係你明知對方入錯錢落戶口，而你拒絕交回款項已經干犯盜竊罪，就算對方欠你錢，你都唔可以隨便用筆錢，要向法庭申請追討對方，由法庭判你可取回多少錢，今次你都好麻煩，最好請定律師。