想買 Full HD iDTV (LCD TV)

(1) 冇錯固定像素的LCD TV確實係要先做up scaling才可以顯示不符合面版解像度的訊號.清晰度係會比直接顯示的CRT電視為差的.不過呢個係大勢所趨,你想買CRT電視都冇得賣.唯有希望遲啲免費電視全部轉晒高清廣播.

(2) 兩個說法都正確.畫面太大,眼睛不能一次覆蓋整個畫面,變咗要不停活動,一時睇下左,一時睇下右,會好快疲勞,自然會引起眼睛毛病.而且畫面解像度是固定的,放得太大清晰度亦會隨之下降.反之,畫面太細,眼睛要非常用神才能睇得清楚內容,一樣對眼睛唔好.
所以其實係要選一個適合的呎吋.至於點先算合適,高清訊號來講,一般相信係畫面高度三至四倍.例如40吋電視就係大約5至6.5呎左右.標清訊號的話就要多一倍.不過呢方面其實好個人,就好似去戲院睇戲咁,就算唔係满座都有啲人會揀前座,有啲人會揀後座.建議最好就實地去睇下,以畫面夠大的大前題下播啲動作畫面較多既片段睇下眼睛有冇唔舒服.
你仲可以參考下下面個Buying guide
http://www.hdtvsolutions.com/HDTV_Buying_Guide.htm

2009-12-03 21:09:37 補充：
CRT及LCD均有令眼睛疲勞的因素.
CRT由於是隔行掃描.畫面與畫面之間容易有閃爍.特別是靜止畫面例如新聞報告的社評,成篇字的話會睇到有啲字跳下跳下.所以有啲型號會有倍頻將掃描速度增加,又或者在睇DVD時兼容續行掃描輸入去改善.
LCD冇乜閃爍現象,但反應始終不及CRT,動態畫面點都有小小拖尾,所以而家漸漸多咗型號加入倍頻即係嗰100Hz,200Hz去改善.

2009-12-03 21:09:44 補充：
至於亮度方面,如果單純比數據,理論上LCD仲可以光啲,不過比較最光係冇意思的,因為較到最光畫面一定爆晒唔靚.如果計畫質最好的亮度的話,CRT係比較光.LCD亮度動態範圍較窄,要出到光位細節的話好多時畫面都偏暗,要出到暗位細節畫面就會偏光,所以你好多時見到LCD畫面都係偏光的.
畫面抖動方面我覺得兩者已經貼近,但LCD畫面經常過光我覺得反而較易令眼睛疲勞.

您好， 我推薦您一個網站，一個對手機設備，攝影設備最新產品價格以及產品評測的網站，上面還有很多實用的小技巧，常用知識。



http://www.digital-price.net



希望對您有用