離開左中學之後，我好好反省，好好改善過自己，但奈何天公不造美，我幾乎冇辦法面對面見到佢。之後果陣我仲未算改善得好，加上我又蠢。網上同佢溝通果陣激嬲佢幾次。
直到前一兩年，我先覺得自己叫做「有番個樣睇」，但最近add佢Facebook俾佢
踢出黎，之後同我個fd傾計既時候我fd發現佢「好大機會識左男朋友」，我自問我個底花到放煙花，條件都唔係特別好，爭一定唔夠人爭。之後又傾到發現「見到佢我根本沒咩話題可以同佢講」，有d好似兩個世界既人咁。
問題係呢度，我自問已經將「個女仔好有可能識男朋友」放入預計之內，但真係估唔到咁快…依家我一諗起佢就個心就好痛，根本乜野事都唔想去做唔想去理，好似有抑鬱症咁，想去死。但其實我之前已經自殺過一次，不過失敗左，或者我真係唔怕再自殺多次。
但老實講，我真係唔想再自殺。
我無辦法唔鍾意佢，我每天都係咁hea，成日都想死，如果真係有人願意殺左我或者我有d咩意外，我都會多謝佢幫我解脫。我知咁樣好矛盾，我都唔識解釋。我不斷嘗試撐得一日得一日，自問自己係一個非常唔願意同人分享自己感情世界既人，但依家我知道我已經捱唔得幾耐，所以想求救。我唔介意為佢改頭換面，但只怕已經冇機會去改
P.S
1. 真心求救，我會儘量回答任何提問
2. 答果陣唔需要就住就住咁講野，難聽既說話聽個女仔講得多，我自己同自己都講得多，加上我都叫做曾經自殺（有計畫有遺書很正式果d，因為種種原因衰左），我對自己心理承受力叫做有小小自信
3. 非常歡迎女仔答，佢既性格同一般女仔差唔多，我都想更準確咁估計佢點諗
4. 自殺都係一個答案，但如果呢個係The Best我就唔洗上黎
我知道好多字，多謝睇哂
今年20
to TUEN MUN: 合眼緣…部份啦，其實佢陪我渡過左成個中學時期，不過係高中尾果年先追佢，但合眼緣其實已經由初中開始…但一上高中因為環境問題我同佢接觸得愈黎愈少，跟住就逐年咁減少緊...所以無時無刻都好討厭自己點解唔識得早d反省，攪到依家咁…
to eee1004eeee [如果將來你又未死 佢結婚唔通你唔比? 你有權利選擇 人地都有呀 你會唔會搵件豬扒做女朋友丫] 係，可惜我近年先識得反省，已經沒乜用 [仲有呀 自殺左咪冇得玩 你打算一生就咁完?] 老實…前途我真係唔樂觀，我自問係一個唔合格既20歲，冇正常20歲既心理；另外當然我自殺果陣，早就放棄哂好多野。當我發覺自己失敗左，之後既日子我已經當係「餘生」，唯一真係感情我放唔低
to leung2018 [你自己都不給自己希望和生命，別人是幫不了你，你要自殺前先想想自己父母，你有否盡過孝道，有否給過他們好的生活，再決定好了。] 對，父母恩是要報答了。但早在我自殺前已經想過了，以我自己現在的情況根本連自己也顧不了，這樣下去很大機會30,40歲也要受到父母照顧才能生活，還能說甚麼報答？所以我當時自殺，替父母節省一下之後幾十年的心血，也節省一下社會資源。
to ||'' 是我不懂你'' [咁點解改變自己唔可以有第一次第二次第三次?] 嗯，的確我自殺係一次兩次既事，但係我已經飽受摧殘，我好累，我真係唔想再試。 不過你都講得岩，因為真係只有我個朋友講過「佢好大機會有左男朋友」，我都未親眼見到過…但根據Facebook俾佢踢出黎我至少肯定佢有某d原因將我拒於門外，我實在好怕再衰一次 [親情同友情都唔可以填補咩? ] 我自問自己真係cheap到爆炸…親情同友情我冇辦法放第一位
to brucesam518 我預左會俾人鬧，唔緊要，難得你肯 的確，睇完之後發覺我的確唔配做人。 係談戀愛之前我都係普普通通一個人，或者真係一去談戀愛我就不能自拔。可能因為係比個人生目標我令肯進取。冇左，就乜都唔係。我話我唔配做人，因為我根本冇辦法重視親情友情…之前我只可以話自殺黎減輕雙親既痛苦，那怕依家我都係，我根本沒呢個能力。 你講得都岩，根本我連冇左愛情去獨力照顧雙親既能力都冇，將來有咩野事，我唔再依賴感情去和緩既話…可能將女朋友拋去一邊跑去自殺。不過，依家講呢d野已經冇用。
無病呻吟呢樣野，我認。呢張無敵牌黎，等於話非洲好多人冇野食冇屋住你仲係屋企打機咁。我冇法狡辯，我只係可以話有D人願意放棄所有親情愛情友情去換取一d根本比重完全唔相符既野，一般人通常叫呢d人做「壞人」。所以，我應該去做昆蟲，而唔係做人 [點解唔好好走落去，睇下自己部戲既發展都好呀，或者唔系想像中既悲劇呢，唔比大團圓結局咩，你至系部戲既編劇，你有權隨時改變劇情！] 好多謝你既激勵，但我已經唔想再繼續，我怕失敗，我已經冇辦法再去承受再一次既痛苦…
to ||'' 是我不懂你'' 其實你果d就係「正面既想法」嘛，我以前都會用正面去諗野…但出現負面既機會，有時甚至比負面想法更負面…我真係唔太敢會有咩野期望
呢幾黎我都諗左好多野，我終於俾左自己一個答案 各位都係好有心機咁比意見我，特別係 ||'' 是我不懂你'' 同 to brucesam518，特意抽空指出我既問題，講出左好多令我之前諗唔到既野。 多謝咁多位係呢段時間既意見，我無法選出最好因為我知咁多位都係將心比己黎講。我決定左投票，希望你地唔會介意分數。
