✔ 最佳答案
左右後衛係負責球場兩側防守同進攻既球員。他們主要任務係阻止對方球員由邊線斬波入禁區。間唔中都會負責釘防。大多數邊後衛都會後上助攻傳中,令球隊的進攻方式更立體。
而家既邊後衛通常都要有高速度、帶波、鏟截能力同埋體能黎幫助兩邊既進攻同防守。
我自己本身中小學校隊都係打左閘同埋用右腳,不過隻左腳好廢,所以好難攔截。雖然我體能同速度都幾差,不過我因為進攻同防守都好同埋我鏟截能力好高,因為有人打右閘,所以做左左閘。
你進攻係左邊個時最好企左中場後面,如果佢入左中路你就要補佢個位,間唔中要傳中,如果係右邊就企大約中場線既位置。我以前企太前成日俾阿sir罵。打邊衛多數都要負責埋界外波,你仲要自己帶波上前斬波,要有個人突破能力,或者傳波俾中場自己跟住走位同佢地做個撞牆,之後落底線傳中入禁區。斬波唔高我個人覺得唔係一個大問題,你可以用地波傳中都得。我覺得地波比高波更加有威脅,除非你個隊有高佬la。
防守方面最好釘住人地既翼鋒,踢走人地個波唔好俾人地有機會打反擊,有時要輸d界外球同角波都在所不惜,不過唔多mark得太緊,如果唔係一俾人過左就好難追。角波個時負責前後柱既其中一邊。如果人地攻左邊你就上去逼佢,人地攻右邊傳中就企番係左邊不過要mark右翼,有需要就入禁區幫手。如果角球中堅上去攻既話就番後,去到中場線到。