熊仔鼠同黃金鼠有咩分別？

A.而家對"黃金鼠"有唔同既定義
以前熊仔鼠會叫做金毛鼠or黃金鼠,但而家都會叫全身金色既小布丁(細隻既,同小銀弧差不多大)做金毛鼠or黃金鼠,為免混亂,我自己只會分別叫佢地做熊仔鼠同小布丁



B.佢地主要都係金黃色,想分鼠鼠係熊仔鼠定小布丁,最明顯既就係熊仔鼠大隻好多但
細隻既時候熊仔鼠體型都較細,可以留意鼠鼠既腳背去分
熊仔鼠腳背係冇咩毛,而小布丁則會有毛(因原居地方較凍而需要去保暖),都可以問返店員係咪熊仔鼠,當然有d店員講既野未必準確


C.熊仔鼠及布丁鼠分別既資料:
1.熊仔鼠原名Syrian
golden hamster敘利亞黃金倉鼠,學名Mesocricetus auratus

外國常叫Teddy Bear Hamster,Black Bear Hamster,Fancy
Hamster,Golden Hamster,甚至只係叫Hamster,可能因為最早既寵物鼠就係佢,就只係叫佢做Hamster

香港以前會叫金毛鼠,而家就叫熊仔鼠

性格好溫純同細膽,所以較少咬人,不過同其他倉鼠係特別地相處得差,倉鼠本身就係獨居動物,但熊仔鼠係未到戒奶都已經可以打生打死.而我覺得倉鼠當中熊仔鼠係最易溝通既,俾d時間同耐性,係可以做得好好
常見既寵物倉鼠中體型最大,身長約15-18cm,重3-8安士,尾長2cm左右,壽命大約2-3年,原居於敘利亞


2.布丁鼠原名Djungarian dwarf hamster西伯利亞侏儒倉鼠,學名Phodopus sungoris sungoris,屬於俄羅斯倉鼠品種

外國寵物店多數會叫Dwarf Siberian Hamster,Dwarf Siberian Hamster
香港會叫小布丁,亦有鼠店會叫做小奶茶,都有另一個中文名係冬白倉鼠,因為有部份鼠鼠在冬天既時候,毛色會變白or較白


性格一般,不算乖卻又不太惡,在香港常見既寵物倉鼠中體型屬於中等,身長約7-10cm,重1.2-1.75安士,尾長0.8cm左右,壽命大約2年,源自西百利亞西南部

其實都係一樣。
佢地原名叫敘利亞倉鼠
別名：黃金鼠、金毛鼠、熊仔鼠
原產地：敘利亞、黎巴嫩…等中東地區
身長：約 15-19 公分{女仔較長}
顏色：分為長毛種、短毛種、中毛種（長毛混短毛）深黃色、白色相間最當見，還有啡色、白色、黑色…等單色或混色品種，各個顏色亦有其名。
食物：雜食性
成熟期：約 50 天
懷孕期：約 16 天
產子數：4-15 隻
壽命：約 2-3 年