收到電話追數 但欠債人o係二十年前已經搬走左

今日我母親o係屋企收到電話, 對方話搵 xx 這人, 母親照直講搬左好耐, 但對方唔信, 咁又係, 個個都咁講架啦, 對方語氣好堅決, 迫我母親交出 xx 的電話, 佢話我母親一定會有, 但根本就冇contant, 講左一陣, 母親問清楚個人, 佢先肯講佢係打黎收數既, 仲話 "你地等住收電話啦! "。

xx 呢個人係我 老豆個 老表個 老婆, 二十年前已經搬走左啦, 我19歲, 出世佢都唔o係度住啦, 我連個名都未聽過, 而家唔知點算好, 點講收數佬都唔會信啦, 佢等我屋企個電話, 實追死呢度, 而家驚佢會唔會有埋屋企地址呀, 如果係佢地可能會上黎追數, 仲有, 而家 xx 呢個人根本冇可能搵到佢。

上網睇到d人講, o係收數佬口中打聽下係邊間銀行追數, 跟住可以寄信去銀行既投訴部 再同時將副本交俾金額管理局的銀行投訴組, 仲有可以搵區議員幫手 ?


唔該各位俾d意見我應該點做