到左今日下午我就去洗傷口,個護士見到就話個傷口做咩咁濕,我話因為佢係咁滲血...之後佢就幫我整開蓋住傷口果塊野,跟住就扯番琴日醫生塞入傷口果塊野出黎同我洗...我已經食左1粒止痛藥先去,都超痛...扯完佢話個傷口真係好深,之後就用咩irrigation幫我洗啦,之後再換過塊野幫我塞番入去,痛到我真係想死..唉,佢話怕我太痛所以未算塞到最深...我問佢日日都係咁洗法真係會痛到死人,佢就叫我去睇私家醫生睇下可唔可以開多幾隻止痛藥比我食,之後我去左睇,同佢講我既情況同埋話洗果陣真係痛到頂唔順...之後佢問我有冇食抗生素,我話醫院冇比...跟住佢話最好就食就開左2隻止痛藥(Mefenamic同Parcemol Forte)+1隻抗生素(Durcef<-唔知有冇串錯)比我...我問佢話使唔使問下醫院果隻係咩菌,佢話唔使,如果果隻菌係咩抗藥性既金黃葡萄球菌(唔知有冇聽錯)既話,醫院一早搵左你...
我想問下我應該點做...
係咪照食佢果隻抗生素?
同埋洗之前再食齊3隻止痛藥先去洗??會唔會有問題??
藥力幾耐先會生效???
仲有冇其他方法止痛???我真係好頂唔順佢扯同塞野入傷口果隻痛...
唔該熟識呢方面知識既專業人士幫幫手解答...感激萬分.
更新1:
仲有想問下點樣可以快d痊癒??例如食d咩做d咩or唔好食d咩做d咩咁...thz a lot!!!
更新2:
幾時可以坐得丫?會唔會對傷口唔好?另外,我感覺到個傷口係咁滲血水,個護士話太濕會發炎,叫我如果太濕就去再換,但係佢地又收咁早,都冇咩可能一日換2次,我係咪冇野可以做到?唯有由佢?
更新3:
濕既程度要去到邊先要換?大約幾約先唔再流得咁勁?真係好唔方便...另外好多謝你答左我咁多問題,你真係好好人=]
更新4:
介唔介意比你msn我呀?
