✔ 最佳答案
A.絕對唔可以俾花塔餅俾鼠鼠食,而人既藥物,任何情況下都唔可以俾鼠鼠用,藥既劑量要睇動物既體型,人同鼠相差好遠,絕對唔可以共用,如果你唔舒服,俾大象既藥你用,都嚇死你吧,何況人鼠比例更遠
B.只係話瘦就好難知佢有咩事,而家你可以留意返會唔會係以下既問題:
1)生病
初起感冒只係瘦都唔出奇,留意返會唔會有鼻水,呼吸困難,唔食野唔飲水,仲會好累,甚至會流眼水.如果連同打冷震,打乞嚏既話,嚴重起唻會係肺炎
之前鼠鼠有肚瀉,病及病後亦較易會瘦
2)打交
如果有第隻鼠同佢一齊住,出現一隻忽然好瘦,就好可能出現打交or一隻蝦一隻鼠既情況
倉鼠本來就係獨居動物,細隻既時候可以冇咩事,但慢慢大個就好易會打交,所以最好就係籠一鼠
3)受驚
留意返會唔會有d咩改變or事情令鼠鼠受驚,受驚會誘發疾病
4)食物問題
俾好多野俾鼠鼠食唔知係包括D咩呢?如果有亂俾鼠鼠食野,易令鼠鼠內臟受損,蔬果因為較多水份,所以鼠鼠食左就易出現肚瀉,白麵包就冇咩問題,但就一定要係冇調味既白麵包
俾鼠鼠食既野要留意既事詳細可參考:
http://hk.knowledge.yahoo.com/question?qid=7009080600917
亦要留意食物及草有冇變質,有時食物變質唔係咁易睇到
5)居住問題
留意鼠籠內有冇d咩令鼠鼠受傷or易受傷,居住環境有危險都會令鼠鼠有壓力,而且唔建議用粒狀墊材,因為較易整傷鼠腳,雖然有時用落好似冇咩問題,但當鼠鼠一不小心整到就會好驚,甚至做成骨折,而且粒狀唔可以俾鼠鼠做窩,可考慮買d貴d既木糠,較大片既,揀木糠要留意既事:
http://hk.knowledge.yahoo.com/question?qid=7007100103916
6)年老
鼠鼠11個月大,對倉鼠唻講,一歲時身體機能開始衰老,年老既鼠係好易出現瘦弱既情況,照顧年老鼠要注意既事,可參考以下我回答既知識:
http://hk.knowledge.yahoo.com/question?qid=7008040603097
7)生育過
鼠鼠生育過既話身體會較差,都好易出現瘦既問題,所以最好唔好繁殖鼠鼠
8)腫瘤
留意返身體有冇生粒,又或體內有腫瘤都易令鼠鼠瘦,腫瘤係會吸鼠鼠既營養,而體內既話好難發現,唔係去照既話,等到內出血先會知
C.搵到瘦既原因可針對問題唻再作處理,而家未知咩事就可留意返以下既事:
1)有第隻鼠既話要分籠,患病既鼠被第隻鼠乘虛打死(鼠鼠本身係獨居動物,其實咩情況都係一籠一鼠較好),加上多一隻鼠易令生病既鼠多一分受細菌感染既機會,而且佢地好可能已打交
2)多d檢查鼠鼠身體及排泄物有冇異常
3)保持周圍既環境衛生
4)多加留意鼠鼠既活動能力同食糧
5)擔心鼠鼠唔舒服會覺凍,如果鼠鼠有身凍既問題,就唔好俾風直接吹到鼠鼠,要鼠鼠保持溫暖,凍天要留意既事可參考以下我回答既知識:
http://hk.knowledge.yahoo.com/question?qid=7008110901044
6)俾一d有營養既野佢食.可以試下俾d麥片or白麵包佢
7)鼠鼠唔舒服會更易受驚,受驚會令病情惡化,除左檢查及治療外,都唔好打擾鼠鼠
8)如果鼠鼠唔食野唔飲水,就用手直接餵,都係唔食既話,就要俾d耐性試多d,鼠鼠唔舒服,又會好累咁,係冇咩胃口既
9)如果你或你既家人有感冒,都唔好接觸佢,唔係又會令鼠鼠更加易再受感染.(鼠感冒唔會傳人,唔洗擔心)
2009-11-29 22:43:55 補充：
俾鼠鼠食咩薏米?人食既?唔建議胡亂俾人既食物俾鼠鼠食
除左薏米就只係食瓜子同草?
最好唔好俾太單一既食物,鼠鼠係雜食動物,要食多樣化既鼠糧先健康,太集中就易生病,俾鼠鼠食既野要留意既事詳細可參考:
http://hk.knowledge.yahoo.com/question?qid=7009080600917
2009-11-29 22:44:00 補充：
鼠鼠係幾耐之前有肚瀉既問題?鼠鼠幾耐沖一次涼?以為只係之前甩毛,咁pat pat而家仲係有甩毛,就要睇下會唔會仲有細菌,如果係肚瀉完冇耐,可能其實未完全康復,仲留有細菌
睇你都好勤力洗籠,理應唔會衛生差,但都唔好忽略問題,仲要留意要定期為鼠鼠用沖涼粉沖涼,一星期沖一次,太熱時最多兩次
腫瘤既話,手術費大約$700-1500,但未能確定係咪真係腫瘤,所以就算覺得太貴亦最好可以睇醫生檢查一下,始終問題自己處理唔到,鼠醫生資料及睇醫生要留意既事可參考:
http://hk.knowledge.yahoo.com/question?qid=7009031901757
2009-11-29 22:44:38 補充：
都可以用少許微暖水幫鼠鼠抹下pat pat
2009-12-06 05:02:46 補充：
便便好軟其實就即係肚瀉,鼠鼠食白麵包冇咩問題,但疏果就真係易導致肚瀉;肚瀉左四五個月,瘦及身體較弱,都係好正常既事,肚瀉對鼠鼠唻講係嚴重疾病,仲病左咁耐添,鼠鼠壽命短,幾個月實在係十分長既時間,其實鼠鼠有咩異常,最好盡快處理,拖太耐會好危險
日日都沖涼就真係好易會成日甩毛,將沖涼次數調返正常,一星期沖一次,太熱時最多兩次,睇下好唔好d
2009-12-06 05:03:15 補充：
我有睇過雲芝用小鼠做實驗既新聞,但唔建議胡亂俾鼠鼠食
其實並冇確定鼠鼠真係有腫瘤,如之前講既咁,病左咁耐,唔瘦都難,加上你俾鼠鼠食既野又只係三樣,咁偏食亦會做成營養不良
而且要明白再有益既食物,都係唔可以食太多,鼠鼠身體細小,又唔了解該實驗小鼠體重對雲芝既比例及服用方法,亂俾鼠鼠食好易會出事,要知道用老鼠研究一種藥物,最初未掌握到份量係會令好多實驗鼠死亡,而家咁俾鼠鼠食,就好似用左寵物鼠唻做實驗咁
2009-12-06 05:03:19 補充：
試下俾鼠鼠食返d對倉鼠唻講係正常既食物,同時俾麥片or白麵包,沖涼次數正常d,多觀察,擔心既當然係要帶鼠鼠睇醫生檢查下,鼠醫生既資料就係之前俾你既,就算係腫瘤,呢d都係較有口碑既鼠醫生(
http://hk.knowledge.yahoo.com/question?qid=7009031901757)
