有關病假、勞工假、年假問題

1) 如果依正僱傭條例計算，三日或以下既病假係冇人工既。連續四日並且有醫生證明及你有足夠有薪病假日數 (頭12個月，每工作滿一個月就可以累積2日有薪病隻，12個月之後，每個月有4日，最多累積120日)，咁你果四日或以上既病假就可以有人工。
而病假既人工係每日平均工資既五分之四

2) 疾病津貼即係放病假既人工，亦即係果五分之四

3) 正如第一題問題所講，連續四日或以上，符合有關條例，就可以有每日五分之四既疾病津貼。呢個係依正僱傭條例既做法，不過有好多公司都會有自己一套，例如兩日以上就已經有疾病津貼。總知僱傭條例係最低標準。所以如果你老細話過4日先出得三分之一既，疾病津貼比僱傭條例小，咁佢就已經觸犯法例喇

4) 基本上年假係要工作滿一年先可以享有。不過好多公司都批准員工以比例計算年假，於未滿一年前就放假。所以若果你未做滿一年，公司係有權唔比你放假，或者放假就扣人工既

5) 年假日期係應該由僱主在徵詢詔僱員或其代表後決定，而且要係放假前14日通知僱員。所以你公司幫所有同事編好晒D假係冇問題既，睇下你自己接唔接受架姐。不過若果你唔接受既話，到你自己想申請假期，公司都一樣有權唔接受你既申請

6) 呢個問題就要視乎番你同公司既協意喇。因為正常你每工作七日就會有一日休息日，以辦公室黎計，休息日就即係星期日。而休息日有冇人工就係問題所在喇。若果你地本身休息日係冇人工既，咁你地果日番左工就有人工啦，補假果日當做休息日就自然唔會有人工啦。但若果你地休息日係有人工既，咁補假都一樣會有人工
不過你所提及既紅日我相信唔止係星期日，若果你講既紅日係包括法定假期，即係新年、清明等等，咁你既補假係一定有人工既 (就算你法定假日既正日放假，都一樣會有人工既)
若果你講既紅日係復活節 (只係紅日，並唔係法定假期) 咁就要視乎係本身係放銀行假定勞工假(法定假)喇。因為只係放勞工假既員工，復活節既日子係需要番工既。如果你正日放左假就有機會要扣假或者扣人工，正日果日番左工，咁補假果日就有機會要扣假或者扣人工喇

最後CONFIRM多一次，不論正日定補假，法定假日係一定有人工既 (除左工作未滿三個月之外)

甲1. 如果依勞工例，要出示連續4天或以上註冊醫生證明就會有有薪病假;
甲2.以上的有薪病假即疾病津貼;
甲3.假設你連續取4天病假，那這四天的人工是4/5，例如你每月人工$8,000，計算方法就是: $8,000/30日(如該月有31日就除以31日) x 4日病假 / 4/5
$8,000 / 30 =$266.67
$266.67 x 4 =$1,066.68
$1,066.68 / 5x4
=$853.34 那就是你4日病假的工資，而你該月總薪金應是$7,786.67
*勞工例係會以12個月總收入的每日平均工資來計算，但大部份公司都會以該月月薪來計。

乙4..如你在公司工作超過3個月或以上連續性合約員工，而之後你自己辭職，公司都要以比例計番該年大假給你，如你1月1日入職於7月31日後離職，而每年大假係7日來計算，你可以有4 日大假；(1/1/09 -31/07/09 總日 數/ 365 x 7 days AL)
乙5.公司係可以咁做，因為你入職時你已經知道公司的年假是這樣發放，又或者你入職後公司將年假發放改變但事前有通知各員工，咁就無得爭議;

丙6. 我唔太明白你題目問乜，只可以回答你如果你於法定假期日開工，公司係要安排另外一個日子補番比你，如法定假期你放左假而當日唔你你例假的話，咁公司無須補假給你，因為你已放左假。基本上法定假期係唔可以用錢作補償，大假就可以。