最好大人答:我唔知未來點好

你既問題就係同人比較, 每個人有唔同既能力, 就好似健康,

全世界都唔係你一個有呢D病, 有好多人都有, 你只要多做運

動, 做一D對你條氣暢順既運動, 例如....步行, 氣功, 太極.....

太極係最好, 唔好以為只有老人家先啱, 你有哮喘就最好, 仲要

食多D有益既嘢, 唔好食味精或煎炸嘢, 有益健康既湯水, 飲多

些少, 唔好食凍嘢.....如: 雪糕, 雪條, 汽水.....因為對條氣管唔

好, 你做好保健之後.....就向功課努力, 唔好理屋企人點叻, 你

個妹讀書有幾勁, 全部唔好理會, 你個妹還你個妹, 唔可以作比

較, 做任何事之前, 你要同自己講: [ 我一定得, 唔識就學, 學一次

唔識就學第二次, 第三次.....總之, 學到識為止。], 無理由見到細

佬妹叻, 你自己就睇死自己唔夠佢地叻, 你只要盡咗力, 就算真係

唔識, 都對得住自己, 對得住父母, 每個人天份有限, 加上你成日

病, 當然無咁着數, 你可能要比人哋付出更多精神時間, 你要跟病

魔作對, 與病魔就好似自己敵人, 無理由咁容易打輸, 同佢死過....

你細佬D maths你唔識都唔係奇, 佢細過你D程度高咗, 有乜稀奇!

好似有好多大學生, 讀完出嚟, 分分鐘連講英文都唔多識, 寫編文

都唔知寫成點......你一定要俾信心自己, 唔識唔緊要咖, 又唔使打

一身既, 做父母有時最唔應該就係, 攞人與人之間嚟作比較, 尤其

自己子女, 讚一個, 就等如踩另一個, 咁樣會另到差既果個無晒信

心, 在外國人教子女, 唔會咁樣, 佢哋只會鼓勵, 讚賞, 好懂得俾機

會自己仔女, 唔似D中國人咁鐘意踩人, 連自己仔女都踩, 咁即係踩

佢哋自己啫! 因為D仔女都係佢哋生, 有幾聰明, 有幾優質, 都係佢

哋自己既種, 所以 ~ 你唔使怕任何人踩你, 唔夠叻, 唔夠醒....之類,

如果係家人踩你, 你只有笑吓便算, 因為佢哋踩緊佢哋自己啫 ~

本人只是路過的~但是看到你的問題 , 我就非常感觸

病不是人為的, 你自己當然唔想有呢D病架~

唔好埋怨自己喇~俾心機啊~我支持你!!!

12分唔廢柴.我個女8分我都覺得佢係得.

19歲有機會哮喘好返.你問題唔係讀書笨.12分可以佈讀好多專門學科.係有前途.你在病裹都可以讀到12分都唔錯. 錯在你父母太多冷水.

只差科英文.如果係中文就難搞.英文在外間大把國際試考比香港係容易Ｄ.所以你未必不合格.中文就無得再孝了.用12分+國際英文合格可讀好多野.

哮喘要做運動淨用藥係唔得.越怕越病.努力d.

提意去吓教會.父母都去吓

世上冇難事 , 只睇你有冇恆心 !

只要你吾放棄 , 努力向前 ( 凡事靠自己 ) ,

就吾會要呀爸呀媽睇住 !

20歲吾一定強要自己做野 , 可以有好多出路 :

1) 讀港專 :

系免費課程 ( 有會計 / 行政 / 飲食業 讀 )

2) 考牌 ( 車牌 / 保安 ) , 考多 cert

3) 讀 course ( 音樂 ) , 學一技之長

你先養好個身體 , 吾好比甘大壓力自己

ask us , we can help u lol=)

唔好比借口

唔好打機睇電視 專心上堂 做功課 溫書就可以了

朋友 岩傾未得 或者唔洗朋友都可以

隨緣吧

天呀~有病不是你本身想有的.現在你還年青,才19歲,還有大把路要你行.現在你最重要是打理好自己身體,有健康才有將來.沒健康就什麼也做不成.千萬不要想太多,更加不要鑽牛角尖了.路是你自己走出來的.以前因健康問題連累到學業不要緊,你大可再報讀多幾個課程.只要肯去捱誰說沒有出頭一天?到時你家人便不會再說你什麼了.記住好好保重身體.每天一起床,第一件事就對自己說"我可以的"
加油!支持你!