即係F.7 啦
已經向佢表白左了....
最後一年中學階段,咁耐以黎 都未有過好強烈既戀愛感覺
但直至今年,慢慢鍾意左個女仔...之後 經過左d野,因緣際會同佢表白左
-----------
成唔成功,佢無直接咁答應我/ 拒絕我,我諗係佢可能想專注讀書瓜。
後黎,我地得閒講野,吹下水。有時我又關心下佢,係讀書方面鼓勵下佢
我睇得出有時我做d野,應該可以感動到佢既
但係佢唔係個種好易鍾意人既女仔,即係唔足以令佢好鍾意我囉
有時 佢係blog度,會暗示定間接咁 表達下感受咁
1.(不過唔知係咪對我啦, eg:我有次問佢對我有無feel,佢係個blog度好似打左首歌出黎)
2.但係有次佢又直接係msn 同我講....不如叫我唔好鍾意佢, 費時傷心,又xxxx,做fd 仲好啦,我又 扮哂野咁話做住fd先....(但係佢之後又好似係blog 度有d 後悔o,跟住我又係....到e家無咩事咁,佢又係度間接no我,讀書為重...)
3.其實佢加加埋埋都已經有好多次應我講d野,斷估唔會次次都係 誤會瓜-0-?
因為有好多野 係 好明顯對住我千里傳音啦= ="
當然啦,e家 梗係以讀書為重啦
~但係alevel完左之後,我諗都好難再見得番
我唔想就咁輕易放走左一個心上人,因為我覺得我同佢係同類,至少好少少相似,如果一齊都應該好夾既...
~但係又好似無咩野可以做得到,佢又好滿足e種現狀,(1.唔通佢好鍾意俾人追個種個感覺)(2.佢一個星期超多野做,又識得多人)
題外話啦(大家既背景)
佢屋企應該有錢既
我無咩錢...讀書,我的確可以追得番,但係至少現階段黎講仲係好廢,佢讀書呢就...唔多勁..
但係佢就有超多朋友,識超多人,跟住唔洗拍拖都有人陪、有親人錫,e個先係mainpoint;我呢就岩岩相反,我都係剛剛由毒男 轉番去一個有正常社交生活既人,但係我唔樣衰既,佢又靚女黎ge...
(現況)
唉,,,,咁點算呢,想追一時又追到,一時個距離又遙遠
alevel完左,我諗都好難再 keep in contact啦
我e家間唔中都有同佢傾,只限msn 多囉- -
現實中呢:佢身邊勁多人,佢以前係一個好鍾意講野既女仔黎,又成日整埋d 「傻仔野」引人笑,但係自從我表白完之後呢...
1.佢少講左好多野
2.我有時 專門 聊佢講野,佢一句 唔夠6,7個字就應左我-0-我本身個人都已經唔講野多,佢一野end左我,我都唔知點同佢 繼續 對話....
~我唔係話想要佢同我講好多好多野,好似好知心個種(因為識咁短時間,根本無可能啦),但係至少都唔係咁
3.總之,佢好似變得怕醜? e家直情有時係班 裡面得番我地2個人果時,佢反而會閃走.....- -..我記得f.6 仲未對佢有feel 果時,又係咁,但係佢都唔會走既- -
各位,請俾d 意見我plx....我唔想同佢就咁求求其其,hea 到mock 完之後講88
唉..有無d 「積極」既野我係可以做到?
(我都有諗過既,係讀書方面囉,都係要由 谷底反彈,唔係一時半刻可以做到既野,我諗就算到期時我反彈完,都開始 mock啦,幫黎都哂gas- -")...
點算點算?真係好長,但係 「求求各位」睇完幫幫手,plx!
更新1:
re kening111: 佢blog 度 d歌有次係鼓勵我既,叫 好天氣,有次就係love song黎 好似星晴 唉,我都唔知點好,雖然 ken 哥你講d野 真係有道理,我都明,但係 re kingyip:我識佢就真係唔耐...你講得岩,但係我地傾計 都ok夾,而之前係0接觸wo 食之無味,棄之可惜, 有時我feel到佢真係對我有少少,佢有時都好似 專登 漏d口風俾我 但係又 有時又同我疏遠番個距離,大概佢都講「自己煩就算, 別連累別人」
更新2:
re everyone: 我其實都諗過讀書,但真係唔可以當佢透明, 因為個心好難過,好難受....我真係好鍾意佢....但係再係咁搞,就真係 我死唔單止,仲要 攬住佢一齊死!...我唔死得既話,我諗我仲可以幫到佢既.. 所以呢...都係唯有讀書....啦...但願我可以 將2樣野分得開.../_\ 讀書好,考間好大學,之後出黎搵番好工我諗係我唯一可以同佢永遠一齊既機會,總之,多謝各位既開解.....~各位既幫助加強左小弟讀書既信心~!
更新3:
睇左咁多位 答案...我反省我係庸人自擾居多= =" 琴日,我同佢講講下, 1:佢話仲未對我有感覺(最多只係當我係佢重視既人) 2:佢要讀書 3:就算有(feel),佢都唔會鍾意我住,因為佢有好多人xx,有好多野要煩 我諗諗下, 都係順其自然吧啦.. 有機會係自己面前就當然唔好俾佢流走啦 但當無機會果時,又唔洗主動咁為自己 製造機會... 因為我可以做到的,都大多已經做左/_\" 唯有讀書,讀完書就汁番好自己個樣,做野..搵$... 至少我今次賺既,唔係一段愛情,係重新同社會接軌既機會...= ="....(<==衰左既話都可以自我安慰.....)
