見完工m記有d問題想問

其實面試好簡單 唔洗咁擔心
可能會問你點解想做麥當勞啊?
你都可以直接答 想搵d零用錢俾自己啊 識下朋友啊
或者問你 可能會好辛苦 做廚房架wo?
呢d你答佢你有心理準備就ok架啦
如果你有得面試 基本上佢都會請你
最緊要你又俾人感覺到你係有禮貌 同埋唔係黎玩玩下

戶口方面 你可以搵你父母同你一齊去整
我唔記得麥當勞接唔接受創興 不過中銀匯豐恆生都接受
最重要係個戶口名一定要係你自己既 唔可以係其他人
亦都建議你開儲蓄戶口 要開唔洗限你最低存款果種
有d銀行會限你最少放500蚊 冇500蚊係戶口就要扣你錢
呢方面可能你會問你父母清楚d
不過我之前就係同媽咪去匯豐整 帶埋出世紙同住址証明

第一日返工多數係做大堂執下盤或者係薯條位
甚至有可能第一日就學收錢或者學煎野炸野都唔出奇
不過都要睇返你果日返咩時間
如果係忙既時間 多數都會叫你出大堂
因為執盤呢樣野 一學就會上手 唔洗搵人follow你
如果係夜晚 就有可能入廚房學野 甚至學收錢
因為夜晚少d人 未必需要薯條位
不過都要睇返果間舖當時既情況而定 冇100%肯定既答案

cut鐘 就係指cut左你返工既時間
可能係因為太多員工 又或者冇乜生意
咁就會早d放你收工 即係cut你鐘咁解
有時可能早10分鐘 但有時都可能會早1個鐘架

計人工方面 你每日返工放工都要拉卡
電腦會紀錄你幾時幾分幾秒返工或者放工
一分一秒都係錢 假設你既時薪係12蚊
一個鐘頭六十分鐘 12除60 即係1分鐘有$0.2囉
佢計埋秒數既 你就再除60 就係咁計法啦

基本上你冇拉錯卡或者唔記得拉卡
電腦都唔會計錯你既 如果真係有拉卡上既問題
第一時間搵經理 佢地可以幫你跟進返
唔會呃你錢既 最緊要你識得問 記得講

到左放工
其實係會有人同你講：你收得工啦
咁你就可以完成埋你手頭上既少少野
然後交低俾下一位頂替你既同事跟進
但你要有心理準備呢份工係有好大可能要OT既
當然 如果係趕時間要準時走既話 就要同經理講
佢地會盡量安排 盡量滿足你

現招募以下職位:
1. 顧客服務大使 2. 品牌推廣大使

_中五或同等學歷 (大專/大學生優先考慮 )

_操流利廣東話 , 略懂普通話 及英語

_性格開朗 , 外向及有良好溝通技巧

_主動積極 , 有責任心 , 具備團隊合作精神

_公司正在拓展市場需要大量人手

_提供本地及海外訓練 , 福利好 , 良好的晉升機會

_以上職位全職兼職均可

_應徵人士可進行網上登記:

http://spreadsheets.google.COm/viewform?formkey=cGlFdFpPTkI4aGRycnBwYVFINjBXVFE6MA..
名額有限 . 額滿即止 .