找出牆內銅水管洩漏位置

其實你不必太著意水管漏水位置〈謀一點位〉，反正你要修補都要鑿爛牆身磁磚，水喉長 3 呎來去都是那幾件磚位置，你可能鑿的時也會鑿爛埋隔離一件〈當然你先砎開掃口英泥先〉，我認為最重要肯定是否這一點位置，有可能地台或其他水管漏水養在同一位置漏落樓下天花〈樓下相應位置〉。

如果証據確鑿，就應該當機立斷，將損毀部份換了再舖新磁磚，兩家人都有好日子過。


2009-11-25 00:09:53 補充：
g1485g 兄: 所謂英雄所見略同，我都好懷疑是否牆身那 3 尺喉，因無提及牆身有滲水跡象，至於你所講的方法試咸淡水方法，我見師傅都是這樣造的，我就覺得核突不能接受，如果是廁所可否輪流關掉咸水或淡水掣來測試呢?請指教。

2009-11-25 22:25:54 補充：
g1485g 兄: 多謝指教，獲益良多。

水往低流,通常漏水落樓下的位置是你廁所地台最低的地方,或且有砂眼的位置,
你現時的廁所地磚下面,相信巳全是水.
你懷疑是牆壁藏咗3尺銅喉果2個曲的接口漏.在未証實之前,先好唔好鑿,
有可能是去水管或其他設施都未知
先要知道是咸水還是淡水.唔怕污糟的話可用口試下就知道.如果怕的話,攞小小漏落的水煮干就知道,有鹽份就是咸水.
証實咗是淡水就容易.
先仔細檢查清楚各部分的去水來水,真系無法確定.就只有用順藤摸瓜的方法:
要從你漏落樓下的位置着手,
先界開1尺X1尺的地磚,鑿到落石屎
清干淨下面的沙石,
用毛巾索干水份,這時水份會不停從四面滲來.
索到差唔多冇水,只有一個方向的位置繼續有水
漏水的地方就是這個方向
順住這方向鑿就可揾到源頭.
唔知道確實的位置只能用這方法.
搞掂咗唔漏水先最重要.
最後先補瓦

2009-11-25 22:13:08 補充：
2003: 其實我地的建議都是以事論事,呢D情況一定要揾師傅去檢查先得.據我維修過的經驗,鑿開咗地下.揾到咗原因.
都唔系水喉的問題.只是去水管的問題.因爲藏咗入牆的水喉及配件,好少會漏,你話關水制來測試,或停用每一樣用水設施測試,都可以,但會造成冇水用.會唔方便,而且要時間較長,要漏晒地台的水,但都只能知道邊樣問題,仍然好難知道準確位置,反正都要鑿,不如先鑿開一個窿.
你話用口試水,雖然好唔衛生,其實好有用,可感覺到,咸,淡.梘味,會直接知道是水喉,咸水,去水.或洗衣機去水.從而減少咗可能性.
唯有攞定水來漱口啦.