倉鼠大肚死

✔ 最佳答案

肚脹後第二日就死亡,較大機會係便秘or體內腫瘤,如果再發生肚脹既問題,即係唔知佢第二日就死亡,咁要留意既事就更多:

係咪有俾鼠糧及草以外既野俾鼠鼠
A.便秘
你可以拎佢出唻,放去第度觀察佢既便便,例如我既鼠沖涼時會放去一d膠既龜缸度,要特別觀察時,都可以放去睇
分辨便泌:

1)拎鼠鼠既排泄物上手咁下,最好係佢排出唻冇耐(過一陣,1分鐘度啦,即摸好易係好林),睇下會唔會好硬,唔洗擔心,佢身體冇咩事既話唔會好臭.其實最好係成日咁樣去檢查鼠鼠既排泄物,因為如果之前你冇掂過,就好難分係咪特別硬左,我成日都會咁做.
2)清晒個籠之後,再仔細留意佢既排泄物係咪真係少左
3)睇下鼠鼠排泄時會唔會好辛苦,平日休息又會唔會好痛苦咁縮埋一舊
4)便秘有時會見到佢肛門附近會濕濕地咁既,甚至見到有便便塞住

便秘處理方法:
1)將食水放近鼠鼠訓覺既地方,必須確定水樽出水係冇問題(平日都要,但便秘時水份特別緊要)

2)可以俾少少橙既"衣"俾鼠鼠食,再睇下情況有冇改善,都唔得既話,俾極少極少既橙肉俾鼠鼠(大約半隻指甲大小),唔好俾菜,易有農藥但記得真係便秘先好俾,唔係一陣攪到隻鼠肚瀉就慘

3)到鼠鼠年老時,如果有便秘既情況,其實係可以用手輕輕力按排泄位,幫鼠鼠推D排泄物出唻,不過真係要輕力,冇把握就唔好試了

4)如果有第籠鼠都要小心唔好將第隻鼠既用品混埋一齊洗
5)情況都冇改善(2日度啦),最好就睇獸醫處理,鼠醫生資料及睇醫生要留意既事可參考:
http://hk.knowledge.yahoo.com/question?qid=7009031901757

B.體內腫瘤
一般都好難發現,腫瘤初期係唔會令鼠鼠有唔舒服咁既,但一有徵狀就可能已經好嚴重,如非便秘既話,最好都帶鼠鼠去睇醫生檢查一下
1)有第隻鼠既話要分籠,患病既鼠被第隻鼠乘虛打死(鼠鼠本身係獨居動物,其實咩情況都係一籠一鼠較好),加上多一隻鼠易令生病既鼠多一分受細菌感染既機會,而且佢地好可能已打交
2)保持環境乾爽清潔,避免有更多細菌再令鼠鼠受感染
3)檢查籠入面有冇野整親鼠鼠,瘡既話係有外傷再受細菌感染而做成
4)擔心鼠鼠唔舒服會覺凍,如果鼠鼠有身凍既問題,就唔好俾風直接吹到鼠鼠,要鼠鼠保持溫暖;但冇咁既情況在熱既時候,就要多加留意散熱問題

5)俾一d有營養既野佢食.可以試下俾d麥片or白麵包佢
6)鼠鼠唔舒服會更易受驚,受驚會令病情惡化,除左檢查及治療外,都唔好打擾鼠鼠
7)如果鼠鼠唔食野唔飲水,就用手直接餵,都係唔食既話,就要俾d耐性試多d,鼠鼠唔舒服,又會好累咁,係冇咩胃口既

C.過肥(但唔會第二日就死)
鼠鼠太肥都會令見到個肚好脹咁,肥胖易誘發疾病,所以唔好亂俾野俾鼠鼠食,俾鼠鼠食既野要留意既事詳細可參考:
http://hk.knowledge.yahoo.com/question?qid=7009080600917

D.懷孕(三歲咁老就唔會懷孕)

另外,如果鼠鼠過左一歲身體機能就開始老,照顧年老鼠要注意既事,可參考以下我回答既知識:

回答 (2)