我應該踢咩位(足球)?

我18歲, 踢左幾年波, 但係踢左幾個位都唔知自己踢邊好, 想大家俾下意見:

身高: 177cm

右腳(左腳完全唔識射或傳波, 只可作簡單控球, 右腳完全冇問題, 單腳dic波可以最少幾十下)

踢過位置: 右後, 防中, 中場, 右翼, 右前, 左前, 正前

速度: 很好, 全隊只輸給一個人, 所以俾隊長叫過我去踢右前, 防中(死纏唔俾人過),右翼同正前(用速度過人)

體能: 很好, 可以連踢三個鐘80%全力奔跑 (所以俾人叫踢中場).

力量: 很好, 身材鋼條形, 上身有力, 除非對大肥佬, 否則跑或企都唔會duck輸身位

進攻意識: 好, 右腳射門很有力, 但係唔識volley同頭鎚, 走位ok.

防守意識: 很好, 防守唔會走錯位, 單打獨鬥man-mark一定唔會俾人過同輕易射門 (所以有時又俾隊長叫踢右後), 但係唔係好識mark人交兩邊同直線, 亦唔慣同人合作mark人, 我鐘意自己mark或幫人包波, 因為人地一幫我反而會阻到我 (但係我唔識頭鎚, 所以唔會踢中堅)

技術: 我只用基本扭波方法, 但係因為速度好, 過一個一定冇問題, 過兩個50%, 過三個就唔係好得喇(<10%).

控球: 踢左好耐都唔係好識控高空球... 地波可以控得好好.

傳球: 長傳以前可以做得好好, 呢兩年踢前長傳差左好多, 短傳ok, 不過不失

近排球隊檢討, 要我confirm一個位置踢出league, 正選一定冇問題, 只係自己唔知自己想點, 請幫忙