數碼相機對焦

數碼相機對焦係需要被攝物體有一定對比度先可以成功的. 月亮其實都可以,不過我估你部相機遠攝焦距唔係好長,變咗個月亮好細,所以唔夠資料對焦. 煙花一閃即逝,一定唔夠快對焦. 日落由於太陽太光,亦係唔夠對比度對焦,不過其實如果唔係單影個太陽的話,你可以試下對焦前景,例如太陽前面座山等就會比較容易成功. 另一個比較可行既方法就係手動對焦無限遠.咁相機就知道你係影緊遠嘢,就唔需要靠自動對焦. 應該每部相機都有呢個功能的,不過操作方法就部部唔同,你要睇下說明書先得.有啲相機會用距離表示,無限遠就係一個打橫8字,有啲機會用符號,無限遠可能係一座山.呢個方法其實唔一定影遠嘢先用,平時一啲難對焦既情況例如唔夠光,物體對比度低,影郁既嘢等都可以用,DC景深長,只要唔好估錯太多係可行的,不過呢個方法影微距就唔得,因為微距景深太淺,好難估得中.