25個月BB唔食奶

其實小朋友飲奶係可以無止境既，佢飲到十幾歲都可以繼續飲，冇話幾時要戒奶，只不過係大人想比佢飲到幾大架姐

如果佢冇啦啦完全唔飲奶，咁佢會唔會都唔多肯食野呢？如果佢係咩都唔想放入口，咁有機會可能係喉嚨痛、口腔不適，或者係病冇胃口。佢有得2歲，可以問下佢咩事唔飲奶，佢應該會講到小小理由比你聽既

另外亦有機會佢可能出緊大臼齒，即係大牙，大部份小朋友都會係大約兩歲既時候出大臼齒既。佢地出大臼齒就等於我地出智慧齒咁上下，會有唔舒服既感覺，甚至會有小小發燒，咁既情況佢地都唔會想進食既

若果唔係以上原因，咁可能只係佢扭計仔。如果你真係好想佢飲奶既，你可以用其他方法，例如比佢用飲管啜、用新既杯、學習杯，甚至用碗。否則就由得佢，順其自然，或者隔兩日先再比佢飲，睇下佢會唔會再飲番

其實佢而家兩歲大，奶唔係佢主要營養既來源，佢可以從其他食物吸取營養。若果佢其他食物都食得小既話，咁可能係佢胃口細，好快飽，咁你可以比佢小食多餐，或者係餐與餐之間比D乳製品比佢當小食，例如芝士、乳酪等。不過份量唔好太多，否則影響正餐既食慾，引致反效果

其實今時今日d小朋友營養太得，25個月已經可以食到所有食物，無必要佢一定要飲奶，好似我細個1歲多就戒了奶，小時候都無特別高營養食物食，現在都無問題，好健康！
我到現在都係一飲奶就會攪肚，所以懷孕時都無飲過奶，bb一樣健康，所以唔好強迫佢飲，食多d其他食物啦！
我都問過醫生類似問題，佢都話現在香港人的飲食模式越來越似外國人，飲好多奶，食好多肉，導致病痛都似外國人唔健康！
你比多d心機煮其他食物比佢啦！

你應該用類似針筒個啲野喂佢,不飲都要佢飲,還要帶佢看醫生