我個足球一泵完氣~好快漏氣~個波好新~有咩方法修補~10點

個波好新？有幾新？啱啱買就去Adidas度換，否則，只有歎自己唔好彩。

足球入面有個波膽，所有漏氣差不多一定同波膽有關，而波膽漏氣又差不多一定同氣閥有關。

你泵波嗰陣，有支波針拮入去泵嘅，其實支波針係穿過波膽嘅氣閥，然後泵氣入去。個氣閥其實都係橡膠，泵波掹走支波針後個氣閥自動回位頂住個窿防止漏氣，大部份波慢漏都係因為個氣閥頂唔住個窿令波膽入面嘅氣慢慢漏，有如水喉擰唔實慢慢滴水。

點解氣閥頂唔住個入氣口係因為橡膠疲勞或材料問題，失去彈性，亦有罕見情况例如泵波嗰陣支針插穿咗個波膽入氣口。

但無謂論乜野原因，個波漏氣用乜都補唔番，氣閥冇得更換，而AA膠可以封口，但以後要泵波就麻煩。由於氣體交換，個波擺喺度會慢慢漏氣(好似氫氣球)，你用咗AA膠封口，咁點再泵？

試吓個波邊度漏，浸個波落水，邊度有氣泡出就係邊度漏。

2009-12-04 11:40:59 補充：
補車軩的sealant (補漏劑)用壓縮液體，請問點樣打入波膽內？

擺高啲個波防漏氣？地面同天花幾呎嘅距離有何分別?

放置足球既方法唔好都係會令到足球有咁既效果
其實足球應該放係高處 盡可能唔好接觸地面
因為地心吸力同空氣壓力既關係會令波膽縮細左
所以你見賣足球既地方都將足球放高就係咁解

個波漏氣有咩方法可以補返呀??冇方法

買過另一個~~~~~~~~