我有個朋友學壞.我希望令他改邪歸正.

講到絕交，其實你都唔想，所以你仲擔心佢係正常既，因為你地咁先係真正既朋友，朋友之間絕交真係絕到對對方漠不關心，呢ｄ都唔係真正既朋友啦。既然你都話你ｄ朋友都有關注到呢件事，你就同佢地多ｄ商量有咩方法啦，既然佢同得個ｄ有背景既人一齊，一定有某ｄ原因，可能係佢屋企出現左問題，或者係朋友方面得唔到佢想要既野，而覺得個班有背景既人做得到，所以就痴埋佢地度，你要介入佢既問題，同佢一齊解決。所以，你要搵出點解佢咁想同佢地一齊既原因先，咁先可以對症下藥。

你到而家都唔想對佢放棄，下定決心就唔好放棄，一定要keep住呢個心情，就算你遇到d咩挫折，被佢拒絕幾多次，你都唔好放棄，因為佢同得班人一齊，唔係咁容易可以甩到身，你要多ｄ注意佢既情況，必要時一定要阻止佢，唔係到佢做錯事，吸毒、坐監你先黎後悔做得太少，個陣就太遲啦。只要你唔放棄，永遠支持佢，要打動佢只係時間既問題。

其實佢入得去都係因為缺乏愛、冇自信心、自卑，覺得加入佢地可以得到呢ｄ，但其實唔係嫁，你要比到佢一個感覺就係你先係佢真正既朋友，另外，你可以試下搵多ｄ唔同既課外活動叫佢參加，例如學校個ｄ校隊呀，興趣班等等，兩個人既力量比你一個人既力量更加大，之後等佢搵到一個岩佢既活動，佢就會自動遠離佢地。

如果都係覺得好迷茫既，我覺得你必須要搵大人同專業ｄ既人幫你手，如果你唔想講比佢地聽係邊個，你大可以堅持唔講佢個名，而只係講佢既情況出黎，好多人都會明白你，只係比方法而唔會追問係邊個，因為，其實佢地再叻都唔及你，因為你先係佢地朋友，佢既性格，佢份人係點得你先最清楚，佢地講一百句都唔夠你講一句咁有力量嘛。

所以，你一定唔可以放棄，如果你都放棄佢，佢一生就玩完嫁啦。加油。

其實幫佢都唔難既..
不過要佢想學好先有用..
佢2加咁壞..
我諗你小d接觸佢喇..
廢事自己都比人教壞..
你第一小心d佢啦..
第二同老師講
第三如果你真係想幫佢既話你幫佢搵搵社工啦..
最後 , 我相信你既朋友有你d個咁好既fd一定好快改邪歸正既..你既支持同努力一定打動到佢..
加油!!

令佢改邪歸正係好既...但係好似你咁講佢同有黑色背景的人一齊玩...咁你唔好咁激動...係咁同佢講...''你學壞左啦,你以前唔係咁架...''之類既野...你可以同佢講...''同我們一齊升上同一間中學的朋友呢...佢地有個聚會,佢地都想你去...''如果佢話去既...咁你可以慢慢講番D近況...咁你就可以講番以前...性格很好,善解人意,成績理想,不會說動粗..點解E+會咁?可能佢就會諗番走回正路^^


希望幫到你~

你先檢查自己,
你連自己都未改好!
又點去改人地呢?????

你係唔可以完全幫倒佢改邪歸正架喎,
你只不過可以輔助佢改邪歸正咋啵。

要佢醒覺,
唔係由你黎幫佢既!
你等佢衰左,你先話佢,佢先動遙架!

其實你要小心D,因為佢同一D黑色背景既人走埋一齊....其實你唔好逼得佢太緊,如果唔係佢可能會反感,你可以叫D身邊朋友一齊幫手勸下佢,或者約佢出來,做番D你地以前會做既野,嘗試勾番佢同你以前既回憶,我相信本性應該都唔壞既..希望你地可以和好如初~~~