3個月松鼠仔成日咬人,點教???

你的情況又係普遍既錯. 好清楚顯示樓主沒有養狗的基本知識. 基於咁, 你好應該請個trainer做行為訓練. 我隻狗狗係領養的, 4歲領養回來, 勁多行為問題, 攻擊, 護食等等. 我地都有請trainer作行為訓練. 記住個trainer係train你點養狗點教狗, 唔係train隻狗.

我之前都回答過好多類似問題, 如想參考, 可去我的記錄看看. 因篇幅太長, 我唔想再打多次了.

我的回答中關於在家中確立領袖地位係好重要的. 你一定要做到. 可能果種生活模式同你想像養狗果種好唔同. 但好快會習慣的. 狗狗先會乖, 你先會愛佢多d.

你咁既情況一定要請trainer幫手. 唔係好似我隻狗咁, 前主人教到佢極度冇manner, 又乜都攻擊, 又打佢, 最後仲遺棄左佢. 令到我地領養後花左唔少時間先見到進步. 訓練係一世的!! 一個小生命既性格就由你決定喇, 我諗你都唔想成為第二個好似我隻狗狗個前主人果種狗主, 係咪?


你未請trainer前, 佢吠, 你唔好理佢, 直行直過, 眼都唔望. 佢點攪你都用背對住佢, or做自己野. 小食唔好冇啦啦見佢可愛就俾佢, 唔好見佢隻眼仔發晒光就俾佢. 小食係獎勵, 冇做好野=冇獎勵. 無時無刻要極度平靜. 佢咬你, 唔使發火, 只要行開15分鐘, 完全唔理佢, 就ok. 假如佢縮口/有d退後一步, 立刻say good 同俾獎賞. (其實有好多方法令狗狗停止壞行為, 好要佢縮口等, 但隻隻唔同, 我未見過你的狗狗, 費事教錯你就仲幣.trainer會教你的. 你暫時等好彩佢突然有一秒你手係度佢都縮口啦)
佢吠/咬(壞行為), 你都唔好為左要佢停俾野佢食俾野佢玩或者抱佢, 因為佢地會諗: 壞行為=有小食/抱抱=好野. 佢地只會重覆咁做.

記住記住: 唔好鬧佢!! 唔好嚇佢!!同埋千萬唔好打佢! 你咁做係極錯極錯! 狗狗唔係人, 佢唔知你講緊乜, 你鬧佢, 佢感受既只有負面情緒! 輕則唔開心, 嚴重d就憎左你, 大則演變成攻擊你, 對人唔信任. (亦同領袖地位有dd關係啦, 你嚇佢打佢, 佢好快大個覺得你冇乜料到,佢會同你爭地位ga) (老實講, 佢大個左要同你fight, 狗一定贏人啦) 你打佢佢只會覺得你攻擊佢. 以後一定唔好再打狗!!!!

唔係一定要打要鬧先教度, 狗唔識聽說教, 思想簡單. 只有好同唔好. 用正面獎賞(呢樣你trainer會同你講的了), 令佢只做好野, 唔做壞野.

你話佢而家驚你, 但你冇講實際情況係點. 但general黎講啦, 你要將你同小食拉上關係 (記住唔好同佢講咁多人話), 你無時無刻都有小食係身, 有時直行直過佢身邊停一停, 掉舊小食俾佢. 唔使講野ga, 行過就算喇. 得閒掉d得閒掉d. 進一步就到手喇(你又打過佢, 你令佢鐘意返你隻手先), 佢個頭一掂到你隻手, 就say good, 俾小食. 好似教'touch'咁樣, 逐步將時間延長, 直至你擺手係空氣, 佢會自動行過黎擺個頭入去俾你. 記得次次要俾小食, 仲要不停repeat咁做. 係日日好多次, 做好多日, 好似入formula咁樣. 但見到佢有壓力如打喊路, 周圍望, 即係有壓力就停, 抖下再做.

記得請trainer!! 我講果d真係冰山一角, 都仲未掂到主題ga.記得找trainer幫手!! 我都想見到人地的狗狗有正確訓練, 成為乖狗狗.

加油

2009-11-21 23:08:50 補充：
丫, 補充一點. 忘記左佢仲好細要咬野方面. 你可俾d狗玩狗佢咬, 但記住係你俾佢先有, 佢咬玩具記得俾獎賞, 咬其他野都冇(但唔係使鬧,唔使打, 最多用低沉堅決既語氣講句signal), 記住循序漸進. 但同時, 好重要係佢咬咬下, 間唔中講句give,拎走個玩具jar係右手, 另一隻手用小食同佢交換, 之後俾返舊野佢咬. 令佢更加清楚個玩具係主人既, 防止佢大個會guard住佢覺得係自己既野.

2009-11-21 23:09:28 補充：
狗玩具, 唔係狗玩狗, 打錯左.

果隻係狗bb，大部份的狗bb都需要時時咬野止牙痕，特別鍾意咬主人的手手腳腳。可以有兩個方法解決:
當狗狗下次再咬你時你可以即時大聲叫停佢，然之後俾條骨骨或者玩具佢咬下，等佢知道呢d係佢可以咬的物件，而唔係你d手指腳指!
佢咬你果刻你要大叫好痛，然之後走開唔好再同佢玩，等佢知道自己做錯事=冇得玩。試多幾次佢就會知道咬主人係唔啱架啦。
狗仔牙痕好需要咬野去發洩，咁做主人既你就要為佢預備定好多可以俾佢咬既骨骨同玩具，狗狗最貪食，你可以買幾款可以收藏小食的玩具，狗狗就唔會咁快玩厭:
http://www.yanyanpetservice.com/toys.php
http://www.yanyanpetservice.com/food.php