分手後可能比對方用傳單唱~我應該點做

佢個sms只係話會請人派傳單都係500一日?
有冇講明傳單內容?有冇話會將你既私隱或相片印落傳單度?
如果佢個sms有講明會點做點做 而你擔心 你而家就已經可以拎住你部手提
直接去差館 備案
如果佢真係將你既野卯落傳單度派 佢已經算係侵犯左私隱權
你係可以告佢咖 放心
我深信佢自己應該都知 可能佢只係想嚇下你 不過恐嚇都係犯法咖...
呢d幼稚行為既幼稚人 唔好容忍呀 你忍佢只會令佢繼續咁去搵野傷害你

2009-11-21 22:21:58 補充：
其實你報左警 差人會話你知你可以點做
當你去備案果陣差人受唔受理 同埋你可以點 到時其實佢地都會同你講咖 放心啦
不過我個人覺得佢會滾傳單呢個可能性唔大 因為百害而無一利 比著你都唔會做
佢可能只係想嚇下你 不過小心為妙

報lo
佢做初一,你做十五

點講都係曾經相愛過既兩個人，點解要搞到咁既地步
於心何忍
一段好好既愛變成咗仇恨

你先同佢係電話傾下，如果你確定佢唔係一時衝動而係真係想報復你既話，一定可以告佢

只係，儘量和解喇

報警。佢咁做已經侵犯左你既私隱權同埋喺威脅你架。

可以報警
你的個人資料受個人私隱條例保障
任何人未經你授權公開資料你都可以告佢！