peterchan請進~澳門酒店私自碌本人的信用卡~已過數~

基本上, 當你在 check-in 時留下信用咭, 就代表你用信用咭代替現金做保証金. 你亦授權酒店在你 check-out後如有任何帳項未付(包括打爛房間設備, 唔見嘢), 可以 charge落你信用咭帳戶中, 有效期係直至該房間再有客人入住, 或 7天, 以較短者為準. 此乃全世界酒店通行做法.
酒店之前向信用卡公司攞咗 code, 即係己暫時扣住咗你幾百蚊信用額. 你會少咗幾百蚊簽賬額. 如果無事無幹, 佢會在幾日後向信用卡公司取消番個 code. 咁你又會多番幾百蚊簽賬額. 但如果好似你個 case, 佢話唔見嘢, 咁佢有權落實個 code, 即係入你信用卡帳, 而不需你親身碌卡 / 簽名嘅. 你在簽單時己作授權, 無得 say no.
此做法係方便咗客人唔使企係櫃台等酒店揾人檢查間房(留下現金做保証金嘅就會要等查房). 但亦會引起好似你遇見嘅口同鼻拗事件.
佢事隔四日入你帳, 可能係運作需時. 執房果個發現唔見袍, 要填表報告管房. 管房部再打 memo 俾會計同公關部. 公關部 check 咗你唔係 VIP (VIP攞嘢係唔使賠嘅), 通知番會計, 會計就 charge 你信用卡. 大約咁上下時間啦!
你有兩樣嘢可以做:
1. 過番澳門, 去報警話你無攞到件袍, 你而家備案 , 再攞個 report 去酒店要佢回水. 通常 Sofitel 咁大酒店 group (十六X係Sofitel嘅), 會回水俾你. 但你會要用一日時間同三百幾蚊船飛錢. 值唔個你決定.
2. 算數輸咗鋪大細. 下次再住短期酒店時以現金做保証金, check-out時大家對啱哂, 攞番 cash. 無拖無欠!

其實理應CHECK OUT時要對晒所有野..
因為有時個客COMPLAIN就好煩架喇..
理應唔會夾硬碌個客張卡..

如果係小數目..例如食左野..就CHARGE返落張卡度..
如果幾百蚊..好多時都係自己賠架..
應該要簽單先可以確應客人賠錢..先可以碌卡..
好多時都係自己賠架..
可能:
1.佢地CHECK OUT手快快拎左去CANCEL..但係之後發現要賠..個CODE已CANCEL..用唔到..所以要再碌..

2.因為個CODE只有$500,但你就要俾$5XX..所以先碌過..

其實你依家可以唔認數兼COMPLAIN佢地..自然唔洗俾..
你可以SEND EMAIL過去..

唔係啵~
信用卡果面話我22日入住時碌既按金酒店冇過到數~
27號酒店再有另一筆數碌的~

信用卡果面話22同27是兩筆唔同既數黎既~
22果筆佢已經係23日取消左~

而27號果個要有本人簽署而且知情下同意才生效的~
但本人27號不在澳門~即不能簽署~而且冇人通知過我~
咁樣酒店算唔算盜用信用卡??