投資新手的小問題

唔駛講到樓上咁複雜.

投資股票目的係為左賺兩樣野, 一樣係資本增值 (即低買高賣), 另一樣係股息 (若公司今年有錢賺, 年尾大股東就可能會將利潤既一部份用來派股息).

只買不賣, 只是指短期內不賣. 股票資可粗分為長中短線時期的投資. 短線投資者可能幾分鐘已經將股票買入又賣出. 中線投資者可能持有股票幾日到幾個月不等才賣出. 長線投資者就係你講只買不賣果班人, 佢地可能真係"留番D股票俾個孫"果隻.

長線持有股票, 唯一的好處就是資本滾存. 若幾十年前你以幾蚊既價錢持有一萬股長江, 你今日已可以擁有高質素既退休生活. 但難處就係你要係長江仲係幾蚊既時候搵到呢間公司出黎, 仲要經過多年來咁多次股災, 衰退你都夠膽持有到現在.

只買不賣, 係代表短期內不賣, 你願意放棄現在使用呢筆錢既權利來換取將來某一日可以得番更大舊既錢. 得唔得, 得到幾多, 就要睇你既眼光有幾準. 眼光唔準, 最後間公司執苙, 你張股票便可以當作牆紙來用.