懷孕8週,但面青,可唔可以補?

除左以上湯水，你亦可以飲紅棗水。有時間就煲，冇時間就焗

煲﹕將十粒去左核既紅棗放入五碗水，加一兩片薑，煲至滾起轉細火大約十五分鐘。想效果好d既，可以係最後加一舊豬潤落去 (最好先切碎) 煲到豬潤轉晒色就得喇 (豬潤煲得耐會燥)

焗﹕將幾粒去左核既紅棗連同熱水放入暖壺/保暖杯焗十五分鐘，咁當水飲就得喇

紅棗有補氣血既作用，不過使用前一定要去核

另外你亦可以飲中藥調理，除左幫你補氣血外、亦可以安胎寧神。不過一定要搵個有信譽既中醫

若果你未有之前都成日面青青既，咁生完坐月就好緊要喇。坐月時補得好，身體、面色都會好好多

你會唔會係貧血，紅棗、牛肉同豬潤都有豐富鐡質。有助補血。
另外去做產前檢查，醫生會比葉酸，對你補血及BB提供養份有一定幫助。

最緊要係多d休息訓多d, 訓覺先可以養血架

你試下滾番茄薯仔牛肉湯及枸杞豬肝湯飲,這兩款湯很有益及營養,可

以補充懷孕時的營養,而不會怕補過頭。

番茄薯仔牛肉湯,首先煲滾水,放兩片薑及薯仔煲諗,之後再放番茄煲五

分鐘,跟住最後放入牛肉片滾一滾,就可以落盬熄火。

枸杞豬肝湯,首先煲滾水,跟住加入枸杞葉、枸杞子及兩片薑煲十五分鐘

左右,再放入豬肝,待豬肝熟透,就可以落盬熄火。