初養玩具貴婦狗

1) 如杜蟲同治痋,應該幾耐做一次,同應該用D咩,同係邊到可以買?
杜蟲頭3個月每個月都要杜一次架，杜清晒之後就可以每3個月杜一次
治蚤既話，你要以買滴蚤水，每個月滴一次
呢d可以響獸醫診所到買，不過會貴d，但係有保證d

2) 而家我隻貴婦B得2個半月,係咪唔好咁快帶佢落街散步?
絕對唔可以帶佢落街住，本來抱住或入袋唔落地都得既，但係呢排天氣凍，驚佢出街會冷襯，感冒就麻煩喇
要等佢打齊晒3支針先可以出街架，因為街上太多細菌，佢太細個抵抗力唔夠好易出事

3) 而家佢咁細個,應該俾幾多份量既糧佢食?係咪有標準?或係由佢任食,食到飽?
份糧要因應佢既歲數同重量而定，睇返包糧既包裝袋會有寫明架
最好控制食量，唔好由得佢任食到飽，因為佢地細個可以唔知餓，會狂食，之後食得太飽就會嘔返出黎

4) 而家一無人係佢附近佢就會吠,咁點先可以令佢可以獨處?
因為佢仲係BB，當左你係佢爸媽，所以會好依賴你，見到屋企冇人咪會驚囉，所以先會吠
你可以試下用毛布襟住個籠，等佢睇唔唔，之後要開d音樂或者電視，等屋企有d聲佢會有安全感d

5) 買左好多牙骨,玩具俾佢咬,但唔知點解佢都會咬人既手,咁應該點做?
佢細個唔識分邊d可以咬邊d唔得，所以你要教佢架，佢一咬你就打下佢個口，試多幾次佢就會知架喇

6) 我由抱佢返黎就係咁叫佢個名(已2星期),但唔知點解佢都好似唔知自己叫咩名咁,咁點算?
佢太細所以未知住架，你成日叫佢個名，當佢有望下你或者有反應就讚下佢，佢好快就會知架喇，佢遲早都會知，唔洗擔心

1--杜虫依家就應開始，因如狗媽無做好杜虫，狗Ｂ体內己有好多寄生虫，杜虫药最好响医生度買，照医生指示服用，ＢＢ時食密Ｄ，成年後可一、兩个月一次；杜蚤如依家無就唔駛住，因我覺得药性好强，ＢＢ怕有危險，如有蚤都應响医生度買，因可聽意見，怕亂用；响医生度買係貴Ｄ，但一般寵物店未必有药牌，收埋嚟賣嘅可能係水貨，你自已衝量。
2--未打斉防疫針抵抗力差Ｄ，周街行怕感染，無話唔得，但盡量減少對狗狗嘅傷害啦！
3--食量你應參巧你狗糧標示嘅建議，計算狗狗体重及年紀；你狗狗二个月，体重約2-3kg，（例子）如標示每日份量係兩杯的話，你就最好每日四次，每次半杯，ＢＢ小食多餐；如因工作唔可以餵四次都無奈地每次一杯啦！但唔好太多，因狗糧生產商已計算好狗狗每日所需營養，太多只会變肥狗！
4--要比佢時间，試吓出门時比Ｄ零食佢，比佢知道無人响度時有零食安慰，同佢講要乖，如可以就由離開半个鐘就返，慢慢加長時间比佢適應，係習慣，比Ｄ時间！
5--佢咬手係想你同佢玩唔係牙痕，狗狗同同伴玩一定係玩咬，你要no佢，之後同佢玩吓拉毛巾等遊戲，比佢知同人玩唔係咬。
6--我諗佢係知架，可能你係唔係都叫佢，叫咗又無乜著數咪唔理你囉！叫佢又識過嚟，你就要誇張地讚佢、佢；如市儈Ｄ嘅狗狗就用食物引佢，但一樣要讚，狗狗最鍾意主人讚，做得啱，讚得多自然会因你喜惡作反應！
以上三言兩語唔可以令你解決問題，每个狗狗性格唔同，相處落去，人狗都会知道點去磨合，狗狗思想好簡單，你明白佢以後相處唔会困難。