BB幾個月大可以開始食糊仔呢?

BB係4-6個月期間，就可以開始試食米糊。不過食米糊唔係因為佢飲得奶小就要食，而係比佢開始去習慣下一階段，同吸收唔同食物既營養。所以如果佢本身係胃口細，飲得奶小既，就算你比糊仔佢食，佢都未必會食得多。你要知道，不論大人細佬，食得小唔代表唔健康，食得多亦唔代表身體一定好好，根據BB自己既胃口食番咁多既份量就已經足夠。況且你BB四個月，飲廿幾安奶係正常架啵，我細仔就黎五個月，都係咁上下

如果你要比佢試糊仔都冇問題既。開頭初初試只係比佢試下進食固體食物既感覺，所以只係試一兩啖。你可以係中午果餐奶之前十分鐘到比佢試，之後正常咁飲平時咁多奶。得果一兩啖，唔會飽得去邊，所以佢多數都會飲得晒平時既份量。另外係中午時試糊，好處係日間時間長，若果佢對糊仔有咩反應，都可以清楚知道

試左一星期佢都冇反抗，而且你睇到佢已經吞得到，咁你可以慢慢加至四五啖。奶既份量你一樣照開番咁多，由得佢飲得幾多就幾多。若果佢飲淨既話，你就可以睇到佢所食既糊仔可以令佢飽到幾多成

之後慢慢再繼續加，當你發覺佢連續兩三次都飲淨奶既時候，你就可以減少奶既份量，然後再加糊仔既份量，直至果餐糊仔可以完全代替一餐奶為止

其實當佢食完糊仔之後，飲奶既份量只係平時既三分一，你都可以試下唔比奶佢飲。睇下佢呢餐糊仔可以撐幾耐先再飲奶，若果佢可以撐到同平時一樣時間飲下一餐奶既，咁你果餐糊仔都唔使再加奶比佢架喇

6 個月後左右

如果想搵糊仔食用資料可去:

http://www.babydaily.com.hk
http://www.babydaily.com.hk/product.php?cate_id=33&lang=2
http://www.babydaily.com.hk/product.php?cate_id=34&lang=2

仲有好多BB食品, 副食品資料

大約6個月,食糊仔要減1-2餐奶,早午晚食糊仔,臨睡.剛起床和早餐一起吃

如果佢一直跟著佢條生長線生長就唔需要太擔心，我就覺得現時d奶粉營養重多過糊仔！
如果你跟足母嬰健康院指引就要係6月大先開始食糊仔，開始時只係一兩口，試吓佢識唔識吞野，bb未必第一次就成功，好多時條舌會將食物推番出來，如果無問題，就可以越食越多，代替一餐奶，再好d就再代替多一餐奶，通常都會取代午餐同晚餐，早同睡前餐奶就好多人都會繼續比佢飲到好大個！10am同4pm重可以比生果或餅仔比佢當小食㖭！

BB4個大, 都可以開始俾佢試下食糊仔喇, 初初比1-2湯匙比BB試, BB OK就慢慢加上去, 而家BB應該食6餐奶, 你用其中一餐奶的部份開米糊, 其餘照食奶, (即開一支奶平時食的份量, 倒部份開米糊) 到BB食米糊份量可至一飯碗時, 便可取消其中一餐奶, 用米糊代替, 時間方面都無咩所謂, 不過最早同晚間果餐就唔好喇