暗戀左一個呀sir

首先
你要明白香港師生戀係犯法
就算你地一齊左
乃野既係你個老師
因為你仲細，而佢身為老師係清楚咁樣係犯法


然後
你係咪真係分得清楚對佢既感覺
你對佢　係好似鐘意一個偶像明星既感覺
定係真係鐘意一個異性？
迷戀、崇拜往往會令你誤會自己真係鐘意一個人


你同你老師年齡差距遠嗎？
你話佢有好多女fans
而你只不過係一個岩岩入學既新生
佢對你可以有咩特別感覺？

我想講
你地係唔會有咩結果
而且佢對你又唔熟悉
係佢眼中你只係一個小妹妹、一個學生
佢又點會鐘意你呢？
就算佢真係鐘意你
咁你又想佢因為同你一齊而犯法咩？

你只係f.1姐
你仲有大把青春
你又唔會愛佢一世
搵過第二個啦：）

講真，暗戀阿ＳＩＲ等同浪費青春，而且你太年輕喇，做得老師細極有限，起碼都廿五六啦，同你相差十幾年，無論思想同心態上都好大距離，而最重要係，佢對你永遠都唔會存有任何情感既幻想，只會當你係佢數以百計學生既其中一個，所以我勸你清醒啲，你而至中一，比心機讀書最重要。

你而家先form 1。都係專心讀書先啦﹗
而且人地有老婆女友。點會搭上你呢個學生呀。
靚仔又點呀。佢內心可能不是好呢。可能佢有些不良嗜好習慣呢。
你要克制自己，唔好鍾意佢﹗唔係痛苦只有自己架咋。呢個你現在就要開始訓練下啦。因為訓練自己克制唔好鍾意人都係人生必經訓練。
不過我我喜歡了一個中學同學，我真係克制唔到鍾意佢。不過你都要嘗試。師生戀只會係過眼雲煙。
因為人愈大，見的人就愈多，見的人愈多，你就唸返轉頭就覺得佢冇咩特別~~。
或者你都係專心讀書，你成績好，佢就會留意你。你上堂留心，佢就會留意你。或者你可以在日記功課裡寫下自己鍾意呀sir，睇下佢有冇咩評語你。

係學生時期陪養吓感情
想食佢就等畢咗業先講啦

2009-11-18 21:57:53 補充：
年齡唔係問題
但係老師同學生就好大問題....
等你畢業咗....唔再係學生既時侯再食佢啦
你唔係學生佢先有膽同你一齊架

師生戀....
唔好攪喇!
1.香港唔比加
2.冇可能

我以前都有試過暗戀老師,
通常都係以成績取悅老師, 果種感覺最好,
你有心機讀書同時, 又可以TUM阿SIR開心~

不過佢唔係教你架話, 就比較難攪D
因為你冇理由九唔搭八搵佢教你野架嘛...

所以其實你E家呢種情況,
一係放膽D得閒去撞下佢傾下計,
一係就默默咁去繼續暗戀佢~

你都講到佢好多女FANS,
咁其實你都冇必要去強求一個心目中咁美好既阿SIR
你想佢注意你架話, 當然要小息放學去試下撞佢, 傾番幾句~
聖誕果時咪送張愛心聖誕卡囉~

不過你講到佢咁有性格, 咁MAN的話...
話唔定人地都有女朋友, 甚至結左婚添...
再講, 人人都有唔同性格, 你阿SIR鍾唔鍾意人攪GAG講笑,
要你自己發掘, 既然你咁拿手,
你咪攪幾下GAG去引佢注意, 多D同佢講野囉!

雖然年齡同愛情冇關係,
不過求學時期, 追求戀愛既感覺絕對冇問題
新聞都睇得多師生戀啦, 最終都係不歡而散...
千祈唔好同老師發生關係AR!

呢種單戀既感覺, 係中學果時咁青春至有架~
好好珍惜!