登別溫泉酒店 ”grand” vs ”mahoroba”

我12月中去北海道,已經book咗"grand"風呂付客室的客房.Mahoroba中文係唔係"萬世閣"or"望樓"?

我自已上網睇過,覺得"grand"好D,因為"萬世閣"好多香港人住(係agent的意見);"望樓"係近山,離登別温泉街較遠,好似無咁方便.而agent話"grand"晚餐係自助餐,味道不錯,因為老公唔食魚生,所以選擇"grand".而老公的妹妹都book咗"grand"因為有房內風呂,咁價錢一定比普通房貴D喇!!!!

另外,如果你有充足的budget.我介紹1間超靚的酒店給你"登別瀧乃家"~佢有房內風呂,有普通客室,酒店環境超靚,晚餐懷石料理,可以係客房食,由專人招乎你食晚餐,不過就要接近60000yen/2人1晚超貴........我就唔捨得喇!

如果上網book酒店唔明曰文唔緊要,你可以用英文send email去酒店直接問,曰本嗰邊會用英文回複你,我自已就係agent代book,因為英文麻麻.自己上網book會比agent代book平,因為agent公司要賺錢.好似book"grand"咁,我叫agent代book就要$2030/1人,我老公妹妹自己上網book就要$1890/1人.

你可以係yahoo打CJ Tours會揾倒以上酒店資料,CJ Tours係agent公司,今次揾咗佢book酒店(以上係自己經驗,唔係賣廣告)

希望可以幫倒你喇

所述兩間都麻麻地，登別區最大最正當然係第一瀧本館 (Da Ichi Takimotokan)。