養狗收律師信

我自己分析你個case, 你好明顯係比人投訴, 有時唔係話你隻狗吠唔吠的問題, 有時有d人對狗毛比較敏感或者自己唔係養開狗就算小小味道都唔鍾意的, 我自己本身好鐘意小動物就係因為氣管問題好嚴重, 冇辦法之下比左姐姐照顧, 我都好明白始終是有感情唔捨得搬走隻狗仔, 不過你呢個情況肯定唔可以再養, 因為我地個屋苑就係有一戶人比管理處警告完唔理會, 佢地個戶就係解釋話點解咁多戶有養只是針對佢地一戶, 最後管理處真係告左上法庭, 法官唔會接受你的解釋點解有其他人養只是要針對你等等, 最後個戶人家輸左法官要佢地比堂費和要佢地立刻搬走隻狗, 但係要唔要罰款大廈通告冇講到, 我都好明白你個心好痛, 但是如果你再搬隻狗回家你唔知管理處會有什麼行動, 管理處只是用大廈的公費去告你, 佢地冇蝕底, 只要再有人嚴厲的投訴管理處係唔會就咁算, 至於個file 會唔會係期限內取消我就覺得要睇下係唔係真係有投訴者, 如果係有人投訴你地, 就算個file 取唔取消都係有問題, 個投訴者都會講番比管理處聽之前已投訴過, 到時就算你地被告都冇得求情, 律師o個道都有資料,個律師唔會把資料棄掉的, 因為已有左先前的警告信只是你們不聽冇得再講, 分分鍾冇情講即刻上法庭, 呢d都是我推測, 我唔咁講一定, 不過我諗你地唔好搬隻狗仔回家, 可以比朋友親戚照顧住先, 呢個係唯一辦法, 如果唔係你地被管理處告就真係好麻煩.......

你所住的屋苑不准養狗而你養，收了警告信後又不理會，那當然會收律師信，你目前已將狗搬離屋苑，所以要通知管理公司有關安排，以便他們退進，但若你日後再將狗隻搬回屋苑，那就不再是警告信或律師信，而是直接上庭，這點你要小心處理。