會唔會為一個曾經放棄過自己既人去放棄身邊既人?

我同現任男友感情時好時壞 佢脾氣唔係好好 爛口又惡死
最慘係好鍾意賭 日日都出入馬會貢獻 雖然每日幾十蚊唔係多 不過心態上佢真係好似全職賭徒咁 平時對我唔算差 都係男人通病 唔細心 大男人 野蠻左d 同埋試過打過我一次 果次嘈交我都有唔岩唔係佢錯晒ge 我打佢隻手佢打我塊面 果次之後一嘈交我就好驚佢打我 所以次次嘈交都係我哄佢我認錯 不過生活上既野我地都幾夾 冇乜沖特

前男友 同佢相比 樣樣都好過佢 除左未離婚 佢同佢老婆分開左好耐好耐 但佢要返工搵錢養小朋友 根本冇時間去搞離婚 佢老婆已經同男朋友住緊 離唔離婚對佢黎講影響唔大 所以佢老婆唔肯去申請 同佢分手原因係因為佢果陣份工有d事 同埋d家事 搞到佢為生活為錢煩 忙到佢唔好話見面 連電話都冇時間打比我 拍拖間期 唔好話出街睇戲 連一齊食個飯都冇時間 佢話唔想阻我搵幸福所以叫我過個個 當時佢話分手 重講左好多好難聽既說話 事隔咁耐 我到而家都唔開心 我冇介意過佢任何野 佢為左偉大放棄我

前排前男友搵返我 重同我講佢d野搞掂晒 順返晒 轉左工 多左時間 可以拍返拖 重問我可唔可以比多次機會佢 但佢一樣係未去搞離婚 佢d時間只限於星期日同埋夜晚放工放早左d 我同佢講我已經手拍緊拖 亦都有同佢講同男朋友感情事 佢話佢會等我 可能將來佢真係離左婚我會想同返佢一齊

問心 佢當初唔想阻我時間搵幸福 同樣地我亦都唔想阻人時間 既然我已經拍緊拖 唔好晒人時間等我 呢d咪係有緣冇份囉 每當佢打比我提返佢當初同我分手既野我都會唔開心 個心有條刺同返佢一齊 我點知佢幾時又丟多我一次 同而家呢個 比我感覺就係爛賭2冇將來

我知道感情冇得勉強 兩個我都有感覺 即係我對兩個都唔專一 我個心好唔舒服 覺得自己好衰 明明已經有男朋友 前男友搵返自己反而好開心 因為佢有事佢驚阻我時間飛左我 而家佢冇事搵返我我係好開心好感動 但我已經有男朋友 我唔想因為一個放棄過自己既人去放棄一個冇放棄過我既人

雖然而家個男朋友對我唔係話好好 不過係我有事果陣 佢冇諗過怕我拖累佢 繼續同我一齊 好大份恩情 我好矛盾 我應該因為佢呢份恩情繼續同佢一齊 定係因為為左自己將來自私d咁離開佢?