邊個會計師公會好d?

考完AIA轉做HKICPA會員要好多手續, 所以有D人為免麻煩而唔考AIA. IFA係香港好少人會講, 而且要會計專業資格工種一般會要求有HKICPA或ACCA資格, 所以亦唔建議你試.
HKICPA方面, QP係有報讀要求, HKICPA規定要大學會計學位畢業、完成Conversion course或PBE合格才可以讀, 而進修以上資格要花一定時間. AAT及PBE快則可以各一年完成. 考PBE前要全部AAT卷合格或全部獲豁免, 不過一部分AAT卷的確唔容易考, 過往亦有人統計過好少人可以經PBE報讀QP, 所以經PBE做唔做得過要自己衡量.
ACCA和CPAA與AIA一樣, 你想做HKICPA會員一樣要符合若干條件, 其中一個是完成認可學位課程. 如果你係有個Degree, 點解唔考慮HKICPA的QP? HKICPA會員可以做埋ACCA會員及申請CPAA.
雖然acca出過廣告話中五生可以五年內做會計師, 但有人批評過是沒有可能的事. 但無論如何, 考QP和ACCA都有時間限制, ACCA和QP都是規定10年內必須考完, 有些更加限制你重考次數或一份唔合格要全部重考.
你想問邊樣快, 因為你無講自己基本情況(就算有LCCI中級都當零開始.), 所以好難答你點做

我應該以邊個公會為目標? 邊個公會最好?
-我應該以邊個公會為目標? ->你既目標係咩呢? 會計師->邊種會計師呢?
-邊個公會最好? ->你認為既最好係以咩為準則呢?

以下純粹個人意見, 只供參與!!!
1) AIA 國際會計師公會 ->應該最易羅! (坊間d學校d course閑閑地話起碼五卷以上既豁免!)
2) ACCA 特許公認會計師-> 好多人考, 亦多人識! 考黎做特許會計師!
3) CPAA 澳洲會計師公會-> 孤陋寡聞-無聽過!
4) ICPA 香港會計師公會-> hkicpa!唔可以用lv 2既資格直接考! 考黎做香港既會計師!
5) IFA 英國財務會計師-> hkma 有開班law! 詳情唔知道!
淨係睇你既choices->正途-ICPA 香港會計師公會, ACCA 特許公認會計師都可以!

另, 點樣讀最快?

AIA 國際會計師公會應該係最快la! 佢唔洗你有degree/high dip!
ACCA 特許公認會計師-你快d考晒米得law! 唔係廢話家! 你讀一個high dip/adv dip羅豁免可能仲耐過自己考!
ICPA 香港會計師公會-你讀佢認可account 既degree, 米可以考law!

我勸你上多d網search多d資料la! 去多d人地個blog同討論區la! 有好多c hing,c ge同過來人會分享好多資料!

香港頒發會計師資格的只有HKICPA一個
獲取資格方法就只有讀QP一個