澳門的大學預科

澳門大學﹑澳門科技大學﹑理工學院或其他大學有無預科？
我淨知道澳大有，其他唔知。而科大根本係差到冇得再差，直入都都。冇人會去哥間嘢讀預科。

是不是3月份開始招生？
同考大學一樣，差唔多哥時招生

哪間大學預科班考進去的機會比較大？
唔會。因為中六好多時教你係點應付大陸高考，台灣聯考，同澳門入學試，但預科係唔會教呢D嘢。反而減少咗你入學機會。

我現在高二，是不是可以考預科？
高三畢業證書係國際認可，承認你過去咁多年既努力。考預科唔係。就算俾你入咗，你將來學歷認可上會有麻煩。
例如：
1）台灣，大陸考試通常承認中六學位，因為有畢業證書，如果你高二未畢業，之後入預科，佢地會問你點解冇畢業證書。一般而言，有讀預科既學生，去出示中五畢業（或中六畢業）連預科課程，冇畢業證書而有預科會當你係三流學校讀唔成書走去讀預科，始終係一門非正統既科目。
2）畢業金融、政府、保險界，導遊牌要求入職者提交中六畢業證書，而所有報紙招聘寫住中學畢業既工作，僱主都要睇畢業證書
3）再讀碩士、博士課程，都要遞交中學畢業證書。因為好多外國大學唔知什麼澳大呀，科大呀既預科水準去到邊。佢地好多時覺得呢D COURSE係冇用既COURSE，另一方面又你冇料，連中學都畢唔業，當你三流學生。
通常呢，預科係一D 中學學生畢唔到業，但又冇得重讀（畢業證書俾人寫咗「肆業」呢兩個大字）再入預科，希望補返過去既錯失。之後就揾藉口話自己係高二之後轉過去。收埋自己高三張肆業證書
或者一D學生水準太差，完全上唔到大學，先會入去既。大專院校係會當預科係三流學生先會讀，你又做乜無原無故咁讀呢？

讀完預科然後考該學校的大學是不是比較容易？
同第3條一樣，因為佢唔會再教你問考大學，所以收窄咗你可能考到好學校既能力。好多時中學畢業生，考幾個考試，台灣試考得好，但澳門試考得唔好。或者澳門試考得好，大陸試考得唔好。唔係因為俾唔俾心機，而係一定程度既巧合同運氣。

預科讀一些什麼內容？
同一般大一既學生既嘢差唔多，但會淺D，唔好以為讀完大一成績會好D，實際上係好多人讀完預科會冇心機讀大一，之後考得差