請問哪裡有平雪褲買

你好！我今年一月都跟團去過北海道，當時最低氣溫是零下11度。

由於想玩雪，所以我就在旺角outlet 店買了件 leaveland 羽絨外套 (都算平哦，外面那件防風防水，裡面件羽絨保暖，又可以拆開當兩件著，都只係賣九百幾蚊。)。

跟住我又想買雪褲，但大牌子價錢都頗貴，而且只是穿一次，好像不化算，所以我最後決定幫櫬花園街，價錢百幾蚊，心諗都唔知得唔得？但去到雪地玩，發覺完全無問題，夠晒溫暖，所以我提議你去睇睇啦！

不過買時要留意，雪褲尺碼一定要大一點，因為裡面還要著其他衣物嘛。而且，最緊要買褲頭有吊帶 (防止鬆脫)，褲腳有拉鍊的那種，方便穿上和除下哦！

此外，由於日本的旅遊車和室內實有暖氣，所以最好著些開胸衫 (即是前面扣鈕或拉鍊的)，方便覺得熱時脫下嘛。而內衣方面，我自己就著天蠶衣，貪佢夠薄夠暖嘛。我最近在花園街買過一件剪了招牌的天蠶衣，只係賣 $29，著落都OK哦！如果你怕凍，可以買埋長內褲，咁就無有怕啦！

由於實會落雪，當從室外返回車內時，沾在衣物上的雪就會溶解變成水，從而弄濕衣服，所以外衣及鞋都盡量要防水。而鞋就更加要防滑，方便在雪地上行走嘛，所以我又買了對波鞋款的timberland 防水防滑鞋(特價 $550)。

至於護膚品就更加要帶啦！因為當地天氣乾燥，而且酒店又有暖氣，一定會抽乾皮膚水份，所以護膚保濕，一定唔少得哦！好喇，都差不多講完喇，如果還有問題，請隨便提出，預祝你都旅途愉快！

希望這些資料幫到你！