煲豬腳薑的問題(高手進)

哈哈大家好嗎：想煲豬腳薑的辦法，10甜醋，1斤黑米醋，兩隻豬手或豬腳（想食軟淋淋多肥肉的用豬手，想有口感的用豬腳），你說只用甜醋來煲豬腳薑，會唔會好難食呀，唔會，因為你可以先試味的，「試醋的味道」用筷子點一點啲醋，感覺一吓味道合唔合自己的心意才落其它物料的，據我的經驗是用第一個方式的，薑用老薑不能用嫩薑的，因老薑袪風，唔關系淺黃色光身或很多污泥的那種薑呢，記住用老薑（有可能是你指的黃色光身那種）有污泥的有可能也是的，不過是重磅啲。只要買時請教蔬菜老闆，問一問是否老薑就是了。薑買回來後用一薄刀界去薑皮的，薑買幾多斤呢，我就買5至8斤，未知你要幾多斤啞，如果你有相熟的蔬菜老闆你可以問他們有沒有去了薑皮的老薑賣，只要比多少少錢他們會代勞的。雞蛋12隻，凍水落煲水浸泡過蛋面少許，煲5至7分鐘水滾後熄火，浸10分鐘熱水後，唔要熱水浸凍水致蛋冷卻，較易脫去蛋，備用，豬手叫肉檔商給你去毛、斬件、去甲等等，豬手買回來後要出水備用。用電磁爐可以的，記住要用不金秀鋼煲就可以的，易潔煲是鋁料做的唔可以用來煲薑醋的。會起化學作用的，先把醋放下煲中用大火煲滾，醋滾了改用中火放下薑，豬手、雞蛋，記住醋要浸泡過所有物料，改用大火煲滾後熄火，浸過夜明天食就得了。記得試味和豬手夠唔夠淋呀、拜拜了。

要煲出靚薑醋, 記住只用甜醋, 不要加酸醋.



薑的處理: 刮好之後, 攤開吹乾, 然後用刀拍鬆, 再放少少油用鑊爆, 有少少金黃便可, 用意抽乾水份.



煲滾醋之後放下已處理好的薑, 第一次要煲耐d, 兩個鍾左右啦, 然後每隔一星期煲一次, 每次要over 半個鍾, 如果天氣熱, 可能要煲密d.



蛋的處理: 如喜歡吃硬蛋, 要早一些落, 最少跟薑煲兩三次, 因愈浸得耐, d蛋愈硬. 如吃普通醋蛋, 則吃之前一日放便可.



豬手: 吃之前一日, 買回來出水後, 放入醋內煲45-60分鐘, 然後浸一晚, 吃時再煲滾便可.



每次下蛋和豬手時必須先煲滾醋.



如要派送的人太多, 可用兩個煲, 先做好個薑醋底, 然後再分開煲, d薑最後會好似糖薑咁好味.

煲薑醋的預備同細節, 可參考八珍網頁內的食譜:

八珍的食譜(click) 或節錄如下:

材料(十人份量)：

- 十斤(4.8公升) 八珍甜醋

- 五斤去皮生薑

- 兩隻豬腳 (亦可選用質地較柔嫩的豬手)， 斬開約八至十件

- 熟去殼雞蛋十隻

- 一斤八珍黑糯米醋



做法：

產前一個月

- 預先將甜醋及生薑放入瓦煲內大火煮兩小時

- 每隔一星期煲滾一次， 以免細箘及霉箘滋生



派送前一天

- 把豬手豬腳放入滾水中飛水去油及沖洗乾淨

- 把豬手豬腳放入已預備好的薑醋中煮滾

- 以慢火煲豬手豬腳至腍熟，加入八珍黑糯米醋稀釋及增加鮮味

- 下雞蛋再煲十分鐘， 即可趁熱享用





另外, 我在bk search到以下一個有用的post:

煲薑醋

引文:

________________________________________

中藥 寫道:

材料:

甜醋10斤, 酸醋1斤,

薑12斤

豬手(斬件)900克,

蛋一打 ,鹽1茶匙



製法:

1.用慢火將甜醋燒滾.

2.薑去皮洗淨,吸乾水份,然後拍鬆,再炒乾以去多餘水分,灑幼鹽炒片刻. 然後加入甜醋內慢火煲1小時.

3.豬手洗淨,放滾水內滾數分鐘便去味,再過冷水,用布吸乾水分.

4.將1支酸醋加入薑醋內,翻滾後加入豬手,慢火煲半小時後熄火,冷卻後即可貯存.



注意事項:

1.煲薑醋之器皿宜用瓦煲.

2.雞蛋適宜於2天前才加入薑醋內滾10-15分鐘後離火,1-2天後加熱進食.否則蛋會過實.

________________________________________

另外,我有少少心得可以同大家分享 ~

- 薑的皮刮起後曬乾, 可以留來坐月時煲水沖涼/洗頭, 可助"去風".

- 應該先處理好薑, 放入瓦煲才倒入醋來煲. 如果薑多, 先倒醋入煲, 就好難砌得d薑個位靚.

- 天氣熱時應每個星期將d醋煲滾 (instead of 隔個星期)

- 另外, 在bk見到有人教如果打算煲薑醋會食得耐, 應該唔好直接將蛋或豬手加入"薑醋膽". 只要把需要份量的薑同醋由薑醋膽取出另放一小煲, 把蛋或豬手加入小煲. 咁樣"薑醋膽"就可以食好耐都keep到唔會有問題(如發霉).